الله يعطيك العافية على الموضوع ..

أنا للأمانة قريته مرتين .. يمكن فيه بعض الأمور الغير واضحة ومرت علينا ..

بالنسبة لي للحارس ..

الحارس صناعة منذ الصغر .. مثله مثل المهاجم مثل الوسط و المدافع ..

تحتاج لجينات خاصة .. و مهارات متوفرة بالبني آدم حباه الله بها ..

ما يصير تجيب شخص طوله 190 و تقعد تمرّن به من يوم هو صغير علشان يصير حارس ..

و بنفس الوقت ما يصير تجيب شخص ممتاز بالحراسة و لكن قصير القامة مثلاً ..

لازم تجتمع به كافة الميزات .. الجسدية و الذهنية ..


فمثل ماقلت قبل .. الحارس صناعة نادرة ..

المعيوف و غيره عندنا اعتبرهم حرّاس الظروف ..

هم خدمهم الطول و خدمتهم الحاجة .. طول الشخص و حاجة الفريق لحارس ..

لكن كمهارة .. و سرعة بديهة .. و مرونة .. و ردة فعل .. ما أعطاهم الله هالميزات .. و هي أولاً و أخيراً قدرات ..

المعيوف و غيره يمشون حالك .. يطلع لك بمباراة نجم النجوم .. ثم يدخل عليه هدف بوقت ماله داعي .. و تخسر بطولة ..



الدعيع مثال قوي على الجينات و المهارة الربانية و الجسمانية ..

عائلة الدعيع كلها حراس .. مهب صدفة .. لأنهم بالأساس خلقوا يملكون هالمهارات و نموها من خلال التدريب و التمرين ..

هل تعتقد طول الدعيع مثلاً اللي بالتسعينات .. ومرونة جسمه ماشاء الله مقارنة بطوله .. جت لأن مدرب الحراس كان ممتاز؟



الهلال يحتاج حارس أجنبي ..

من أوروبا الشرقية أو من أوروبا بشكل عام .. لأن أوروبا هي منبع الحراسة .. ومدارس الحراسة أوروبية ..

أما أرجنتيني و برازيلي و أفريقي و مدري وش فلو طار و وقع .. ما يجي ربع الأوروبي ..

الأوروبي خلقته طويل و ردة فعله و مرونته متناسبه مع طوله ..

قروهي البرازيلي .. أصوله أوروبية مية بالمية .. يا ألماني أو إيطالي .. لا تتوقع الطول هذا جاي لأنه برازيلي فقط ..



الحارس كل الفريق وليس نصف الفريق ..

لولا الحارس ماخسرنا قدام أوراوا النهائي الثاني بعد سيدني .. من تسديدة كانت تبعد نصف متر عن المعيوف ..