نجم أنا أتفق مع كثير من الأعضاء في آراؤهم...
بس كل واحد منهم له نقاط صحيحة ... و فيه نقاط طبعا أشوفه من وجهة نظري المتواضعة خطأ ..

ودامنا بمنتدى حبايب و أخوان ..
أنا أتفق معك بكون المدرب ما يتحمّل كامل الخسائر للنقاط ..
لكن هو يتحمل جزء منها بكل تأكيد لبعض من قناعاته ..

اللاعبين كذلك يتحملون خسارة النقاط بسبب تضييعهم فرص ..

طيب طريقة المدرب صنعت فرص .. و اللاعبين ضيعوها .. وش علاقة المدرب؟
علاقته إنه استمر على قناعاته ببعض اللاعبين ..

بالنسبة لي كمشجع و كمتابع .. من فترة طويلة وقبل مجيء المدرب ..
كنت ضد التعاقدات العشوائية و تجميع الأجانب في خانات لا يحتاجه الفريق أصلاً ..

و كنت ضد رحيل إدواردو و مازلت أشوف رحيله غلطة كبيرة ..
إدواردو كان أفضل من كاريو + جيوفنكو مجتمعين ..
و تأثيره واضح حتى و مستواه يعتبر أقل من الموسم اللي قبل ..


مشكلة الهلال باختياره الأجانب ..
إذا جيت تختار أجنبي لازم تشوف طريقة لعبك .. وتختار أجنبي يخدم طريقة اللعب ..
كل الفرق تلعب قدامك مقفلة و بدفاع مستميت ..
كذا تبي أجنبي يمتلك مواصفات يحل لك هالمشكلة ..
تبي لاعب يجيد التسديد مثلاً من خارج المنطقة ..لاعب يجيد الضربات الرأسية ..
و أقصد بيجيد .. إنه وصل لمستوى آخر بهالمهارة .. مهب إجادة جيوفنكو و كنو و مدري من ..
اللي يقولون لنا قبل كل مباراة أثناء التحليل .. يجب على المدرب استغلال كنو بالتسديد من بعيد .. طيب قد سجل كنو مثلا من كرة بعيدة؟
متى كنو صار يسدد من بعيد و يسجل علشان تقول انه يجب استغلال ميزة كنو !


قبل كان عندك رادوي ..
محور دفاعي .. يصنع و يسجل .. و عنده ميزات إضافية .. قوة و دقة التسديد .. و تنفيذ الركلات الحرة ..

بنفس الوقت معك نيفيز ..
لاعب يسجل من خارج المنطقة و راجمة صواريخ .. و صانع لعب .. و رأسياته ماعليها .. و مسدد كرات ثابتة ..

معك ويلهامسون ..
لاعب جناح هداف .. مهب خوينا كاريو .. لاعب مكينة ماتوقف كل المباراة يركض و يشاكس الخصم ..
مهب بس جناح و السلام .. كان جبهة لحالة باليمين .. و له امتياز دخول عمق خرافي ..

إدواردو ..
لاعب اختراق .. يمسك الكورة من نص ملعبك يوصل به نص ملعب الخصم ..
لاعب يجيك من الخلف يخطف الكور .. يضرب راس .. يسدد من بعيد .. مهاري و صانع ألعاب فاخر ..


هنا تاخذ الأجنبي ..


بس عطني ميزة بالاختيارات الأخيرة؟ كلهم ميزة وحدة و تخب بعد .. وعساه ينفع ...


----


الشيء الآخر ..

هل الأجانب في مراكز فعلاً نحتاجها ؟؟

لو افترضنا إنهم كويسين مثلا .. قوميز و ماريقا .. و عندك صالح الشهري و الحمدان دوليين !
طيب خل واحد أجنبي بالهجوم فقط .. و خل صالح و الحمدان مداورة بينهم المركز الثاني ..

هل تحتاج كويلار مع إني أحب طريقة لعبه؟
عندك ناصر و الفرج و عطيف و كنو في المحور و تجيب أجنبي .!

المدافع الكوري هل هو أفضل من جحفلي و المفرج بشيء يذكر؟
علشان تجيب لاعب دفاع ماعنده أي ميزة عن غيره؟
صدقني كواك الكوري اللي قبل كان أفضل .. أقل شيء هذاك خطير بالرأسيات ..


الظهير الأيمن .. تحتاج به لاعب برازيلي مهاري يعطيك عرضيات سم ..
و مخلي لي البريك و العليان يتناوبون عليها ؟


الهلال يحتاج ظهير أيمن و حارس و دفاع أجانب ..

والآسيوي خله في مركز غير الدفاع .. خله وسط .. هجوم .. جناح ..
الآسيويين جيدين بهالمراكز .. و سيئين بالدفاع ..