كلامك ذهب أخ أيوب ..

للأسف الهلال يترنحّ .. و اللاعبين تحسهم يفتقدون أبجديات كرة القدم ..

نعم عندهم اللياقة البدنية العالية .. و المجهود الوافر .. و امكانيات في المراوغة ..

لكن الفكر صفر .. و الإبداع وقت ماتحتاجه صفر .. و الرؤية للملعب صفر .. و التسديد صفر مكعّب .. و التمرير صفر سداسي الأضلاع ..

استغرب لاعب محترف يقضي معظم أوقات السنة يتمرّن .. مايقدر يسدد كورة في وسط المرمى ! ..

كل كورهم ضعيفة أو طائشة عشرة أمتار فوق المرمى ..

يعلم الله لعبت حواري في كثير من أوقات حياتي .. و مروا علي لاعبين حواري يملكون مهارة تفوق هاللاعبين عشر مرات ..

بل بأوقات كثيرة لعبت مع لاعبين أندية في مباريات حواري خاصة .. و كنت أقول ممكن مايبون يبذلون مجهود خوف من الاصابات ..

وكان هذا بوقت عز اللاعبين و الكورة عندنا .. أعتقد هالوقت و بعمري الحالي أفضل من اللاعبين الحاليين

و ممكن لاعبي الحواري متمكنين من الشوت لأنهم تعودوا اللي يشوت الكورة يلحقه ههههههههه ..

صار الواحد يحاول يركز بالشوت قد ما يقدر لي تطورت المهارة عنده ..

واذكر سالم الدوسري في بداياته .. جاي من الحواري علطول للهلال و كان عنده تسديدات صاروخية و مهارات عالية ..

لين ماراح فكر الحواري عنه و صار فكره تكتيكي بحت و ممكن تأثر بعقلية الخوف من اللي حوله ..


أذكر كابتن الرائد السابق كنت أسولف معه عن هالجزئية ..

و ذكر لي إن اللاعبين داخل الملعب يتأثرون كثير بالجمهور .. و الغالبية النفسية تلعب دور بمستواهم و تركيزهم ..

و أعتقد هالوقت مع السوشل ميديا صار اللاعب يفكر بتويتر و الكورة برجليه داخل الملعب ..


لكن الزبدة إنهم يفتقدون لأبجديات كرة القدم ..

ولو إني مدرب .. ساعتين كاملات أسوي جدول لكل لاعب حسب مركزه و مهامه ..

الظهير اخلي يتمرن على العرضيات لين ينشف دمّه ..

و الهجوم أخليه يتمرن على الرأسيات و استغلال العرضيات و التسديد السريع المتقن ..

والوسط كلهم أمرنهم على التمرين الدقيق و التسديد من بعيد بشكل دقيق جداً .. بغض النظر عن قوة التسديد ..


غيره ..

أنسى يتطور اللاعب ..