أنا ضد رمي الحكم بكل خسارة ..
وضد رمي المدرب بكل خسارة ..

إذا خسر الهلال بسبب رعونة لاعبيه هنا مشكلة اللاعب نفسه ..
إذا كان الفريق يصل للمرمى بكل سهولة ويضيع هنا لا الحكم ولا المدرب له دخل ..

لكن المدرب بآخر المباريات كان ضعيف في قراءته للمباراة ..
وضعيف لقراءته للاعبينه .. اللي بعضهم أصبح يقدم عك كروي فاخر و مع ذلك ماسك أساسي ..

مباريات خسرناها بسبب اللاعبين .. و مباريات بسبب المدرب ..
الحكم استبعده تماماً .. الا في بعض لقطات ..

المدرب راح بخيره و شره .. و هذي سنة الحياة ..
حتى لو كان المدرب من أفخر المدربين .. له تاريخ صلاحية عندنا ..
حنا كمجتمع ماينفع يجلس معنا مدرب مدة طويلة .. أو إداري بشكل عام ..
لأن المردود بينزل شوي شوي ..
لا من تعودوا اللاعبين على المدرب وصاروا يمونون عليه .. خلاص نبدأ بالهبوط الحر بالمستوى ..
حتى بالشركات و المؤسسات .. المدير اذا جلس ثلاث سنوات يبدأ المردود ينقص .. لأن الموظفين راح حماسهم ..
فلازم تستبدله بمدير جديد .. بخطة جديدة .. وروح جديدة .. ساعتها الموظفين يبدون يحاولون يثبتون أنفسهم للمدير الجديد ..

كذا شعبنا و كذا طبعنا ..