إقتباس الرسالة الأصلية كتبت بواسطة ابوساري الموضوع بسيط شباب .. موضوع بمنتدى و نقاش بين جماهير و منتمين للكيان .. المسألة مهب مسألة صياح على اللبن المسكوب.. و كلنا ندري إن الهلال ما ياقف على لاعب.. ما وقف على الثنيان و سامي علشان ياقف على لاعب.. بس المقصد نقاش في شأن هلالي.. وش ينفع التشجيع و الانتماء بدون نقاشات.. أجل نصك المنتدى ونروح نشوف لنا شغلة ثانية و على طاري النقاش و السنة اللي رحل فيها إدواردو اللي كان وقتها منتهي و مستواه عاض الأرض.. هذا آخر موسم لعبه معنا ولا كمله بعد .. حبيبنا إدواردو لعب 32 مباراة في كل المسابقات.. سجل 15 و صنع 2 .. حبيبنا الثاني كاريّو لعب 37 مباراة في كل المسابقات.. سجل 6 و صنع 8 .. حبيبنا الثالث جيوفنكو لعب 35 مباراة في كل المسابقات.. سجل 8 و صنع 9 .. و الموسم اللي قبله اللي أخذنا به آسيا .. الإحصائيات كذلك لصالح إدواردو .. لعب 35 .. سجل 13 .. صنع 6 .. أما جيوفنكو فلعب 25 مباراة .. سجل 6 .. صنع 6 .. و كذلك الحال للصديق كاريلو.. لعب 33 مباراة.. سجل 6 .. صنع 8 .. مع اختلاف المراكز و المهام للاعبين .. المفترض كاريو و جيوفنكو أدوارهم هجومية بحتة و إنهم يصنعون ويسجلون شيء طبيعي .. وبغض النظر عن الأرقام .. إنا متأكد إنكم تفضلون إدواردو على هالاثنين.. حتى لو ماعترفتوا بالكلام.. تكفي نظرة العيون .. و بجدية بدون تنكيت .. إدواردو لاعب مجهود .. لاعب لو كان في خانته .. يتحول للاعب مرعب و صاحب حلول .. لاعب هداف و بنفس الوقت صانع لعب .. ممتاز بالمرواغة و جسمانيته ما عليها كلام .. و تسديداته من أروع ما يكون.. و على كلام صديقتنا الغالية هلالية زي القمر .. تو الحين بحثت باليوتيوب عن إدواردو و خليت البحث فقط لهالأسبوع .. لقيته لاعب مباراتين .. سجل فيها ثلاث أهداف بالراس .. و صنع هدف من اختراق .. و المعلق يمدح به و يقول إنه رجع لوضعه الطبيعي مع المدرب الجديد .. و أدري طولت بالرد .. لكن أنا بس متحسر على وضع الفريق .. بدل ما تستغني عن الأسوأ و تدور الأفضل .. جلسنا على خربين و أخوانه .. و كأن إدواردو كان هو علة الهلال .. مهب المدربين اللي خبصوا بمركزه علشان النملة ;) المفترض يبقى و يرحل الأسوأ و يجيب بدالهم لاعبين .. إن نجحوا خير و بركة .. و إن فشلوا فمازال عندنا لاعبين يشيلون الفريق.. أما الحين .. مع فشل فييتو الذريع .. و سقوط قوميز لياقياً .. و تدلّع و نفسية كاريّو .. و محاولات تسديد جيوفنكو المليون مرة كل خمس دقايق .. مازال الهلال يترنّح .. بالأخير .. الهلال حالياً يملك كويلار كلاعب سوبر ستار .. فقط .. الكوري بديله محليين بالراحة .. لأني أشوف مستواه بنفس مستواهم .. أو يمكن هو أفضل ( بشوي ) .. و تقدر تجيب لك حارس بدال حرّاس العماير اللي عندنا .. يشيل نص الأهداف اللي تدخل علينا .. أبرك من مدافع آسيوي .. شاكر لكم و مقدر قراءة الرد الطويل

شوف يا ابو ساري
يعلم الله اني استمتع بالردود منك لانك شخص فعلا تتكلم بمنطق وارقام وبعيد عن العاطفه الا عند نظرة العيون

بس بجديه...

محد يختلف على ادواردو وكنت من المعرضين لخروجه ..بس الفتره الاخيره وفي ظل وجود جوفينكو ..ادواردو نفسه ما عاد له نفس يلعب مثل ما كان

لانه صار يلعب احتياط او يلعب في مركز غير مركزه

فطبيعي ماعاد يعطي نفس اول

والغلط مو عليه..



بالنسبه لي ادواردو افضل من جوفينكو بمراحل كبيره لان جوفينكو الهلال مستحيل يكون جوفينكو يووفينتوس الايطالي او جوفينكو منتخب ايطاليا...

نرجع لمربط الفرس...

ادواردو افضل من جوفينكو صحيح 100%

لكن هل ادواردو بيخدم تخطيط ولعب المدرب..؟
هنا مربط الفرس ولهالسبب..جوفينكو ظل بالفريق ( لانه يخدم تخطيط المدرب ) بينما ادواردو ما يخدم تخطيط المدرب...

جوفينكو لاعب تكتكي ...ادوادو لاعب متحرك ابد ما يمسك مكان وكنا نشوفه فجاه يطلع له بالمربع ومسجل هدف.


فالاراء بالنهايه ما تنتهي الى ..مين افضل من مين..

لكن ايش هي الادوات الي تساعد المجموعه ككل وتخدم المدرب وتخططيه

لجل كذا اسيا جت الان رغم اننا كنا نملك فريق مرعب وممكن يكون اقوى من هالفريق الحالي...