ليت القى سبب ليش الهلال مايفوز الا بشق الانفس ؟؟؟؟؟؟

صالح الشهري لاعب جيد لكن الهلال اكبر من امكاناته
سالم الدوسري سلامات تونا فرحنا فيك وقلنا سالم وصل مرحله النضوج الكروي للاسف مستواك اكثر من سيئ
جوفينكو مدري حتى لو انك نلعب قد فلوسنا فاعتقد انه ينقصك الكثر الا اذا كنت فقاعه اعلاميه كشفتها الايام
البريك لازلت عن قناعتي انك تنزل الملعب لابس بشت ولد الشيوخ اللي يقطع منك الكوره تعصب عليه واللي يحتك معك تعطيه ذيك النضرات راجع نفسك
البليهي مطلوب منك تركز فقط ماينفع تركيز مع شحن نفسي فلازلت سبب اخطاء كارثيه لازم تهدي نفسك وتثق ان جمهور الهلال يحبك ويثق في اخلاصك العب وتاكد انك تبذل مجهود وتقف بالمكان الصحيح وهذا هو المطلوب لان اللعب وانت شايل براسك انك لازم تستفيد من الاخطاء وتعدل نفسك بيسبب اخطاء اكبر
خريبين نحبك من محبتك للهلال لكن قدرك جعلك تحب فريق جمهوره لايعترف الا بالعطاء والفوز ولا احد اكبر من الكيان

جانا ناصر الشمراني وحقق هداف الدوري واعطاء الفريق قوة كبيره لكن الموسم الثاني اللاعب توجه للاعلام ومن وقتها واللاعب يصرح اكثر مما يلعب والهدف من ذكر القصه هو شيخ القهوه قوميز لازم الادارة تبعده عن البهرجه الاعلاميه الجمهور يبيك هداف فقط

باختصار سالفه الارهاق والضغط اسطوانه على الادارة ابعاد هذه الفكره عن روس اللاعبين لان التراخي من قبلهم اصبح مبرر بالارهاق وضغط المباريات

اخواني لاعبين الهلال وكل من سيمثل الهلال لابد ان تعلموا انه مهما كانت مكانتكم وتميزكم فلن يكون هناك اكبر من الكيان ومصلحته والجمهور ينظر لكم بانكم محترفين يفترض ان لكم برامجكم اللياقيه والترفيهيه اللي تخليكم دائما في حاله جاهزيه

قدر الفريق ان جميع الفرق تعتبر مباراتها مع الهلال مباراة بطولة ويكفيهم بالموسم الفوز او التعادل مع الهلال والكارثه هو ايماننا بان الهلال يملك ادوات قادرة على سحق جميع الفرق لكن تذبذب النتايج والفوز بصعوبه ارهقنا كجمهور كثيرا