الهلال اخر مباراتين يعك عك كروي ولا فيه اي تكتيك مدري شو صاير للفريق. الهلال يلعب بدون اي هوية ضايع في الملعب. دفاع الهلال شوربه خصوصا البليهي و البريك مدري ليه يمررون الكرة بينهم عند منطقة الجزاء. سلمان الفرج فلسفه بدون فايدة. هجوم الهلال ولا شي بدون غوميز . الشهري حرام يلعب في الهلال وكان بالامكان احضار افضل منه محليا لكن الله يصبرنا. المدرب تغيراته و قناعاته مدري شنو تبي. كاريلو ما سوى شي اسحبه و دخل عطيف و حط سلمان يلعب وسط هجومي او اسحب الاثنين و دخل نواف و هتان. البليهي حرام يلعب في الهلال و معه ناصر الدوسري. الهلال كان عنده سنتر دفاعي ممتاز المفرج و يلعب برجل اليسرى و فنان في الكرات الهوائية وفِي الهجوم عبدالرحمن اليامي و فرط فيهم. مدير الكره سعود كريري ولا مره شفته يناقش المدرب. عموما النصر كان افضل و لو تنعاد المباراه مره ثانيه ما راح يفوز الهلال بالمستوى ذا لان الاعبين يسحبون رجولهم. جحفلي لازم يرجع سنتر او يعتمد على الحافظ..