نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

wdrago · #7 30/08/2019, 12:01 AM

إقتباس

الرسالة الأصلية كتبت بواسطة DirectorH (padeel)


	حقيقه انا استغرب ردة فعل الجمهور القاسيه تجاه الاداره واللاعبين ماني عارف ايش المطلوب بالضبط ؟؟؟؟ اذا كان الوضع مش عاجبكم فاعتقد انه حان الوقت لطلب عقد جمعيه غير اعتياديه واسقاط الثقه عن الاداره وتزكية رئيس جديد اما البربره في المنتديات فاعتقد انها لن تسمن ولن تغني عن جوع ياجماعه قولوا لا اله الا الله الفريق توه راجع وفي بداية موسم وانتم سالين سيوفكم من قبل لا يبدأ الموسم اللمشجع الفلاني مايبغى اللاعب الفلاني والمشجع الاخر مايبغى اللاعب الاخر والمشجع الاخر يبغى نتعاقد مع السومه والاخر مع ادميلسون والاخر مع اللاعب الفلاني ... وكأن اللاعبين هذولا ماهم عند انديه لن تفرط فيهم بسهوله والعجيب في الامر انه لازال فيه ناس تقول فهد المفرج هو السبب عجبي

اي بربرة تقصد وانت تشوف مهازل دفاعك وتجارب مدربك في المباريات الرسمية وش كان يسوي في المعسكر؟
اجل ابها يسجل فيك قولين ، وتبي اسيا بهالفريق
ولاعب كان غايب طول الموسم الماضي بسبب الاصابة ولما يرجع يتفلسف ويحقر من الجمهور
وحطينا كل دمار الفريق على غياب البريك وهو الي اربك قوة الفريق واخل بالشق الدفاعي ؟
حارس زي الناس يطمنك ماتملك
راس حربة محلي تجيبه للفريق ومسوي عملية فتاق وتجدد عقده لفريقه ويعيرونه لك سنة هههههههههههه غير مبلغ الاعب
حتى ادارة تعاقدات مافلحت فيها الادارة كل يوم حاطين لاعب احتياط للتعاقد في حال فشل الصفقة الرئيسية
ولاعب اجنبي يقول لك ابي امشي 4 سنوات كفاية وفوق هذا تطلب فيه مبلغ عالي مع ان الفريق الاخر عرضه يقل بنص مليون عن طلب الادارة وتعجز تبيعه ولما تتورط في التعاقدات لا خلاص الاعب بيجلس
بنهاية الموسم وخروج الفريق ببطولة وحيدة يفترض تكون عرفت احتياجات فريقك في الخانات الي يحتاجها وتعمل تلبة الاحتياجات لكن اهمل الامر بحجة ان ادارة تسيير اعمال الفريق عملت على تجهيز معسكر وصرف كم راتب وتم الانتظار الي ان تم تنصيب رئيس للنادي وبعدها عشنا مرحلة البحث عن مدرب ورفعنا اسهمه بالفلوس

ياسيدي بختصار : الهلال بقرة حلوب هناك من يحسن استغلال حلبها
اما الادارة ماتعرف حتى تجمع بيض من عش دجاجة