بلجيك ياصديقي موضوع جميل ..
بالنسبة للمدرب صعب الحكم عليه .. قناعاته لحد الآن ما اتضحت كلياً..
لكن يحسب له في مباراة الذهاب تعامله مع تأخر الفريق مرتين..
وتدخله في التغييرات بشكل ايجابي أثناء مجريات المباراة..
غير كذا تغيير انقذت الموقف ..
لكن يحسب عليه في ذيك المباراة لعبه بلاعب صغير بالسن في مباراة تعتبر مفصلية و خسارتها تضيع عليك مجهودك في المجموعات..

في مباراة الإياب..
اعتقد فشل بشكل ذريع في تسيير المباراة ..
حتى تغييراته كانت ضعيفة و لا لها أي إضافة ..
المباراة كانت سهلة حتى تكتيكياً الأهلي واضح وش بيسوي..
والمباراة تعتبر ثاني مباراة رسمية للأهلي في بداية موسم يعني لياقة لاعبيه ماراح تساعدهم على الضغط كامل المباراة..

كان الأولى يلعب حسب المعطيات ..
الأهلي راح يهاجم .. و راح يكون فيه ضغف دفاعي يجب أن يستغل بالمرتدات ..
المرتدات تحتاج لاعبين في المقدمة ( مرتاحين ) بدون مهام دفاعية ..
أمس كان قوميز يدافع و يهاجم و جيوفنكو اللي بالأساس بدون فاعلية بالدفاع يدافع ..
وإذا انقطعت الكورة يكون التحضير بطيء جداً لين يتكتل الأهلي مرة ثانية بالدفاع..
كاريلو امس شفتوه؟ .. لاعب لا هو يسار و لا هو يمين ..
لا هو جناح و لا ظهير ..

سلمان الفرج!!! .. ما أدري ليش تلعب بلاعب منقطع عن اللعب و راجع من إصابة في مباراة مثل هذي و أنت بالأساس تحتاج تحضره في مباريات اقل أهمية..

تشكيلة دفاعية في الإياب ممكن يجرب فيها دفاعه لو قلنا يبي يجرب يدافع ما قلنا شيء..
بس كان يقدر يلعب بخمسة بالدفاع .. ثلاثة قلوب و ظهيرين..
ومحورين .. ويترك الأجنحة و الهجوم في حالة تأهب لصنغ المرتدة..

كان فيه حلول تكتيكية كثيرة .. تكسب به المباراة و تكسب به ثقة و اللاعبين يمسكون خط فوز ..

الخسارة تعود لاعبينك على الخسارة .. بكل الأحوال مهب زينة حتى لو ودية ..

الهلال قدامه الإتحاد المنتشي هالموسم..
لازم يشوف المدرب حل للأخطاء البدائية ..
الأهلي سجل علينا ثلاثة أهداف .. ولولا تألق قوميز كان تعبنا..