الله قوهم ..
بالنسبة للدحيل و السد وباقي الفرق القطرية .. هي فرق عادية و سهل نفوز عليها لو تعاملنا مع المباراة بشكل نفسي أكثر من فني ..
الفرق القطرية قوية إعلامياً و يتهيأ لك إنهم يملكون هجوم خارق و دفاع حديدي بحكم إن الدوري القطري فيه أرقام خرافية بالتسجيل ..
لكن لا ينسى اللاعب قبل المشجع إنك تلعب لفريق مثل الهلال .. سيّد آسيا و جماهيره في كل مكان ..
نملك لاعبين يفوقون الدحيل .. بل أجزم لو لعب فريق الهلال أمام منتخب نجوم دوري قطري لفاز الهلال ..

أخشى على الهلال اللعب تحت الضغط و الرهبة .. الرهبة لحالها كفيلة بتغيير مجرى أي مباراة ..
المدرب لازم يلعب على التشكيلة اللي قدم فيها الهلال أجمل المستويات .. التركيبة و التجانس مهم مثله مثل العامل النفسي ..
الشلهوب و جيوفنكو و إدواردو ضروري يلعبون أساسي .. مع اختلاف المهام مهب مثل المباراة اللي راحت كلهم بنفس المنطقة ..

أشوف جيوفنكو كلاعب مهاجم أو خلف المهاجم أفضل .. وسبق و أن لعب بهالمركز كثير ..
اللاعب يمتلك قدم دقيقة .. و ذكاء و تمركز .. و يعرف متى يسدد و متى يمرر ..

إدواردو بحكم غياب كاريلو يميل للطرف لاستلام الكورة .. و يدخل للعمق في حالة امتلاكه للكورة ..

الشلهوب صانع لعب بدون أي دور دفاعي .. يلعب فقط كمنسق هجمات ..

كنو و ديجينك محاور .. جحفلي و البليهي قلوب .. الشهراني و البريك أظهرة ..