إذا كان المقصد آسيا من ( فشل فيه سابقوه ) ..
فآسيا لابد أن يعي المشجع الهلالي خاصة و السعودي بشكل عام إنها تضم أبطال الدول المشاركة ..
وكل فريق له نفس طموح الهلال و مدعوم من دولته ..
ويوجد فرق تدفع ملايين زيها زيّك ..
والهلال كبير آسيا حتى وإن لم يحققها هالسنة أو اللي بعدها .. راس مالها جاية بإذن اللي ماتنام عينه ..
الصبر على المدرب مهم .. و الضغط عليه راح يتسبب بضياع الفريق بدري ..
المدرب كبير .. وآسيا حالياً مهب مطمع .. أنا أبي أشوف هوية للهلال محلياً .. لأنك بتحقيق البطولات المحلية و اكتساب الثقة راح تلعب آسيا و أنت كلك ثقة .. بدون أي ضعوطات ..

آسيا كانت قريبة و المدربين اللي ماحققوها مافشلوا كثير مافشل اللاعب نفسه بانتشال نفسه من الضغط النفسي ..
فرص بالكوم تضيع بسبب تسرّع غير مبرر ..
الهلال لعب نهائيين آسيويين .. وله صولات و جولات حتى الآن وله اسمه وثقله و الكل يضرب له ألف حساب ..

وصدقني راح تشوف الهلال يحمل الكأس الآسيوي قريب بإذن الله .. الفريق يحتاج تكاتف ..
أما ربعنا اللي همهم سامي الرئيس و يهاجمونه ويقولون حنا هلاليين .. فهذا الله يصبرنا عليهم الموسم الجاي لأن المنتدى شكله بيصير يحوم التسبد ..