إقتباس الرسالة الأصلية كتبت بواسطة عبدالعزيز الثنيان أخوي .. ساري .. أسعد الله جميع أوقاتك .. بما أن منطق التفاوض ومقياسه بالنسبة إليك هو .. ( هل اللاعب ...... يصعب تعويضه ) .. عطني لاعب واحد يصعب تعويضه في الهلال أو غيره .. إذا كان المبدأ هو هل أستطيع تعويض اللاعب أم لا .. فأنا لن أجدد لأي لاعب سواء محلي أو أجنبي لأنني قادر على تعويضهم بأفضل منهم .. الأجانب عددهم سبعة الآن بالفريق والموسم القادم من الممكن أن يزيد العدد إلى ثمانية حسب الأخبار الواردة .. بأجانب عليهم الكلام .. تستطيع بناء أقوى فريق .. ::::::

أهلاً و سهلاً أخوي عبدالعزيز ..
اللاعب اللي يصعب تعويضه هو اللاعب اللي بغيابه يتأثر الفريق و تتأثر منظومته و يفشل الباقين بسد مكانه لعبقريته أو لمهارة ما يجيدها إلا هو ..
لكن مركز عطيف مليان باللاعبين المميزين بالهلال و بغيره ..
عطيف يقدر يحل مكانه باقتدار كنو أو خيبري و يتواجد ميليسي و سلمان ..
و في حالة مبالغته بالمبلغ المطلوب أبسط شيء تستبدله يا بلاعب محلي أو أجنبي ..

الكلام إن عطيف أساساً عنده ميزة وحدة و هي التمرير مرات تضبط معه ..
لكن مقارنة بسلبياته الكبيرة و الكثيرة كلاعب محور .. تقول لا والله ماهب غنيمة .. إن جدد خير و إن ماجدد خيرين ..
عطيف ضعيف بالإلتحامات .. هوائية أو أرضية
بطيء .. كثير ارتكاب الأخطاء .. وفي مناطق خطرة .. يعشق الكروت الملونة ..
مسألة صناعته لهدف أو هدفين .. الآن لو شفت إحصائية صناعة اللعب بالدوري مع الهلال .. ضعيفة جداً بعدد مبارياته ..

لعب 22 مباراة صنع هدفين فقط ..
بينما خربين لعب 14 مباراة صنع 5 أهداف ..
سيروتي لعب 6 مباريات صنع نفس عطيف ..

أتفهّم وجهات النظر بالأشياء المعقولة .. لكن فيه أشياء غير منطقية ..
كيف عطيف اللي عجزت ألقى له حسنات دفاعية أو هجومية في كل مباراة يصير له معجبين !
هو لاعب احتياطي و راح يبقى طول عمره لاعب احتياط لأن هذي إمكانياته و هذي قدراته أستاذ عبدالعزيز ..

فردّاً على سؤالك مثل ماذكرت لك قبل .. اللاعب اللي صعب تعويضه هو اللاعب اللي غيابه مؤثر و تواجده يفرق ..
سالم؟
إدواردو؟
العابد؟