نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - جيل،اغبر، أجل الرائد يضغطنا ويلعب بأعصابنا ولا زالت كعبات الفرج وكوره المقطوعة مستمرة لا صناعة ولا دفاع !!

ابوساري · #5 31/01/2018, 12:10 AM

مادري ليش العالم مستغربين من المستوى .. ترا الفرق الثانية تلعب بلاعبين محليين ممتازين و يمكن أفضل من لاعبينك الحاليين مع الغيابات .. غير أجانبهم ..
شف التعاون معه لاعبين محترفين شايلينه ..
أنت تقابل فرق جديدة .. مواسم احتكار اللاعب المحلي انتهت .. خلاص الحين اللي عنده طقم أجانب أفضل منك بيغسلك و ياخذ نقاطك ..

الهلال لعب أمام الرايد بلاعبين شباب و بغيابات كبيرة و مؤثرة و بلاعب أجنبي وحيد اللي هو ريفاس .. وريفاس أشين من المحلي ..
ريفاس اليوم بس ضيع كورتين قسم مايضيعها أصغر لاعب ..
انفرادته بالحارس اللي حاول يسحب الحارس وطالت الكورة و عرضها .. لو شاتها بدون فلسفة انتهت ..
والكورة اللي انفرد فيها ولعبها لأحمد الفقي وضيعها ..

الهلال مشكلته الغيابات .. ياعالم ودي الناس تستوعب ان الفرق اللي تباريك معها لاعبين و تبي نقاط منك ..
والرايد لعب مباراة موت أو حياة .. متذيل الترتيب و يبي يعوض النقاط باللي هي به ..

لا تحكم على الهلال إلا باكتماله عناصرياً .. مابيه مكتمل 100% .. ابي بس يكتمل 50% بس ..
أما الحين إدواردو غايب .. العابد غايب .. خربين غايب .. ميليسي غايب ومحسوب عليك أجنبي على الفاضي .. سالم راح ..

بالله عليك شف تشكيلتك ولاعبينك وقارنها بأي فريق بالدوري .. ولا تقارن بالأهلي و الشباب و الاتحاد و النصر .. قارنهم بالفيحاء و الفيصلي و التعاون .. مقارنة بدون عاطفة .. وبتلقى عندهم لاعبين الواحد منهم عن اثنين من اللي عندك ..