إقتباس الرسالة الأصلية كتبت بواسطة هنا الازرق مدرب بطل وكبير !!!!!!!!!! الله يسامحك يا ابوساري والله ما يجوز التطبيل بهذي الطريقه ! اجل البطل والكبير , فريقك متاخر بهدف من فريق يصارع على الهبوط بالدوري حلوله يخرج ظهير يمين وينزل ظهير يسار ؟؟ طيب على الاقل طلع مليسي اللي مو في يومه وكان سيئ ونزل الزوري ورجع الشهراني لليمين وقدم درويش جناح يمين لان هذا مركزه الاساسي !!!!!! طيب فريقك متاخر وتغير هجوم أخر 5 دقايق ؟!!!!!! هذا مدرب بطل ؟؟ بطل تلعب 3 محاور قدام القادسيه ؟؟؟ّّّّّّ!!! بطل وكبير بيخلص الموسم ولا هدف من مئات الركنيات ؟؟؟!!!!!!! وين تكتيك المدربين العالميين ؟؟؟ وين استغلال الطاقات الذاتيه للاعبين ؟؟؟ لا تقولي لاعبين الهلال مستواهم نفس لاعبين دوري الدرجه الاولى مع احترامي لهم !!! دياز معاه منتخب المملكه عزيزي !! عجيب امرك اخوي بربي

هنا الأزرق يا صاحبي .. حنا هنا نختلف بالرأي و هذا شيء صحّي ..

لكني شخصياً شفت الهلال بجميع أشكاله و مستوياته .. نكباته و انجازاته .. جيل ورى جيل ..

وأنا والله ما أزكي نفسي و أقول أفهم كورة .. لا والله بعض الأعضاء هنا نظرتهم براس المدرب و الجهاز الفني كامل ..

لكن أنا شخص منطقي .. 1+1=2 ..
إذا شفت الفريق يفتقد لعناصره المؤثرين .. ما أقدر أحكم على نجاح مدرب أو فشله .. لأنه بهالحالة كنه يدرب الرائد :]
إدواردو و خربين و العابد .. وهبوط لمستوى بعض اللاعبين ..و أشوف الحلول التهديفية على مستوى مهارة اللاعب نفسها ضعيفة .. هنا ما أقدر ألوم دياز ..
ودي ألقى شيء عليه و قسم بالله أشرشحه .. بس مشكلتي أتابع المباراة و أنا أعد الفرص الضايعة ..
ومقتنع تمام الأقتناع إن العمل الفني و التكتيكي ممتاز .. لكن فيه سوء شديد بالتنفيذ و الانهاء من اللاعبين ..

من مباراة أوراوا بالذهاب و إصابة نجم الفريق اللي يعتبر لاعب من طراز عالمي ( إدواردو ) .. والهلال مدحدر
بعضكم يقول إدواردو ينقذ دياز .. لا والله .. إدواردو يترجم تكتيك دياز بقدرته على تسجيل الأهداف ..
حالياً .. ننفرد بالمرمى و تحصل فرص كثيرة .. والهلال يسجل ..
بينما الفرق اللي تلعب ضدك من هجمتين تسجل .. لأن فيه لاعبين معهم أجانب قادرين يجيبون الفوز ..

أساسي الهلال الحالي .. ودكّته .. ما أقارنها ولا بفرق متوسطة بالدوري .. التعاون والرائد و الفيحاء والفيصلي أفضل منك على المستوى الفردي حالياً .. لا يغرك الأسماء .. الفاصل هو المستوى الحقيقي ..

تقارن لاعبي الهلال مثلاً بإلتون القادسية و مهاجمهم بيسمارك؟ .. والله لا ميليسي ولا ريفاس يسوون لك شيء ..

بعودة خربين و إدواردو و التعاقد مع لاعبين اثنين أجانب و رجوع العابد ودخوله الفورمة راح يتغير جلد الهلال ..
وبتشوف الروح تعود و الأهداف ترجع .. ويمكن ريفاس يطلع منه شيء وقتها ..

كنت أتمنى نستغني عن ميليسي و ريفاس و نجيب بدالهم اثنين لكن مالله أراد