إقتباس الرسالة الأصلية كتبت بواسطة عبدالكريم ع ج بفضل غياب سلمان الفرج عاد شيء من وهج الهلال ولكن لازالت أخطاء المدافعين والعقم الهجومي لغياب صانع اللعب الملاحظة الوحيدة على ديازهي الإبقاء على عطيف طوال المباراة وكان يفترض تبديله في الشوط الثاني بعبدالملك الخيبري المهاجمين الهلاليين خربين وريفاس ومختارفلاتة جميعهم لاعبي صندوق (رأس حربة تقليدي) وإخراج أي واحد منهم خارج الثمانية عشريحد من قدراته الهجومية الهلال بحاجة للاعب مساند للهجوم ويلعب على الإطراف خارج ال 18

غياب سلمان الفرج فضح الهلال و بيّن للكل اننا ما نملك وسط ميدان يقول خلوا الكوره معي و تحركوا ..

بوجود سلمان الفرج كان الخصم بالقوه يصنع 3 فرص على مرمى الهلال .. اليوم بغياب سلمان الفرج الهلال انكشف و تهدد مرمى الحبسي 9 مرات

محمد البريك كان معتاد يتمركز كجناح ثم يتحرك خلف خط الدفاع لإستلام تمريره من سلمان الفرج .. المباراه هاذي البريك غاب و اكتفى بالتمركز فقط و الشي هذا اجبر ميلسي بالتحرك داخل الصندوق و كشف وسط الهلال

بوجود سلمان الفرج كان عطيف يضغط ع الخصم و هو متطمن على المساحه خلفه بتغطيه سلمان الفرج .. المباراه هاذي عطيف ما يدري يضغط على فيلانويفا و لا يغطي مكانه و الشي هذا اعطى ثقه للاعبين الاتحاد يصنعون الفرص

سلمان الفرج كان يقرب من سالم الدوسري و يعطيه خيار الاستلام و التسليم و الاختراق من العمق او المراوغه .. ف المباراه هاذي اضطر سالم الدوسري للركض عشان يصنع لنفسه فرصه

و المبارايات اللي كان يتعرض فيها الهلال للضغط .. كان سلمان الفرج ينزل و يطلب الكوره و يريح عطيف من الضغط العالي… ف المباراه هاذي لا كنو يطلب الكوره و لا سالم الدوسري و صار عطيف لحاله و كان الحافظ و جحفلي يضطرون يتقدمون بالكوره او يشتتونها و تصير عند لاعبين الاتحاد

سلمان الفرج يسوي كل شي .. و يجون مرضى يحطون الغلط عليه