خربين لاعب ممتاز جداً و مزعج و أولاً و أخيراً هو آسيوي ( صغير ) بالسن ..
وحشى ما أحد يقول عنك مندس .. بس أخوي كيف تحكم على لاعب عمره 23 سنة و هبوط المستوى للفريق كامل مهب له لحاله !؟
أنا من الناس اللي كتبت إن خربين مايصلح كرأس حربة صريح ووحيد .. في أكثر من رد و من قبل الآسيوية و بعدها ..
لكن خربين مميز جداً في حال تحرر من الرقابة .. لأنه يتمركز بشكل سليم و مزعج على الأطراف و يعمل ضغط على دفاع الخصم ..
بالأخير يسجل كل ما أتيحت له الفرصة ..

سجل هاتريك في أكثر من مباراة .. و كان هدف الهلال في الآسيوية و هداف منتخب سوريا بالتصفيات وثالث أو رابع الهدافين بشكل عام في تصفيات كأس العالم .. يعني الولد مجتهد و كآسيوي يعتبر خيار ممتاز ..


دياز حالياً ما أحمله أي شيء .. ومنب مع اللي راكبين الموجة و ينتقدون المدرب .. لأني أشوف شغل المدرب ممتاز ..
مشكلته عناصرية فقط .. ولو كان فيه لاعب يقدر يترجم هالاستحواذ و الفرص اللي تتاح في كل مباراة كان فزنا في كل مباراة بهدفين أو ثلاثة .. وصارت مع إدواردو يوم كان موجود .. لأنه الوحيد اللي تقدر تسميه لاعب ..


مع دياز و في حال انتداب لاعبين أجانب جدد بدل المخروش ميليسي و المقلب بريتوس و ريفاس .. راح يتغير جلد الفريق للأفضل ..

ولا تنسون ياجماعة إنكم تلعبون ضد فرق تلعب بـ(ستة) أجانب .. !
يعني زمن الفرق الصغيرة خلاص راح .. ولا يمكن تقابل فريق فيه 6 لاعبين مستواهم أفضل من المحليين اللي عندك و تبي تفوز !
وبدون عاطفة و تعصب و بكل تجرد .. هل محترفي الفيصلي أو الفيحاء أو التعاون أو القادسية أفضل من محترفينك أو لا؟ ..
مع هذا كنا مسيطرين في كل مباراة .. حتى قدام أوراوا .. مشكلتنا بس التسجيل .. تحصل فرص و ماتتسجل .. عاد هنا دياز مايقدر يعلمهم شلون يلعبون كورة :]

المباراة الوحيدة اللي كانت سيئة هي مباراة الاتفاق الأخيرة ..