قدر الله و ماشاء فعل ..
البطولة ما بغت الهلال .. و الهلال كلاعبين يشكرون على روحهم العالية بالمباراتين .. طلعنا بمستوى مشرف ..

أما بالنسبة لإنك تقول الإدارة نجحت ب5 لاعبين أجانب من أصل 6 .. من هم الخمسة أجانب؟

الهلال لا يوجد فيه إلا إدواردو فقط ناجح .. الباقين مستوياتهم مقاربة لأي لاعب سعودي بما فيهم خربين ..

أنت تتكلم عن لاعب أجنبي .. شوف لاعب أوراوا البرازيلي .. قوة وسرعة و تسديد .. وبالأخير لاعب واحد حسم لهم آسيا ..

لو كان هاللاعب مكانه خربين أو ريفاس أو أي لاعب غيره و الله مايسوي شيء ..

هدف بالذهاب بالرياض انطلق بسرعة خلت البريك وراه بمتر ونص .. و صلح الهدف ..

وهدف الإياب أخذ الكورة و انطلق فيها من قدام أسامة و سددها صاروخية .. و أنهى النهائي ..

هذا يسمى لاعب أجنبي ناجح ..

أنت تلعب بإدواردو فقط ..

الحبسي حارس كبير و لكنه شبه منتهي ويوجد فيه مليون حارس بالعالم أفضل منه مرونة وردة فعل و طول ..

وماتياس مقلب الهلال التاريخي .. ماجاء أحد بسوء مستواه ..

وريفاس لاعب عادي جداً و رب الكعبة مهب علشان النهائي .. لكنه فعلا عادي ولاعب منهي الهجمة يحتاج فريق علشان يصنع الفرق

وخربين أنت شفته بعينك .. لاعب مقاتل و حماسي لكنه كمهاجم إنهاءه صفر و من العشر فرص يسجل فرصة .. ولكن قدامه عمر لسى صغير

ميليسي .. لاعب ضيع هدفين واحد بالذهاب وواحد بالإياب .. وصار سلمان الفرج بالاستهبال و التمرير اللي زايدتن فلسفته ..


إدواردو فقط لاعب سوبر ..