إقتباس الرسالة الأصلية كتبت بواسطة عبدالعزيز الثنيان أتفق معاك بس هذا ما يمنع من مناقشة المدرب في بعض قناعاته .. إصراره على مشاركة ماتياس و ياسر وعدم منح مختار أي فرصة ..!! طيب ليه وافق على جلبه من الأصل ..؟ الزوري يخبص وشارع مفتوع للمنافسين .. و كادش آوت !! أما الجمهور فأغلبه من صغار العمر و تغلب عليهم العاطفة أكثر من تحكيم العقل .. علشان كذا كان بعض الإستهجان لبعض اللاعبين واضح مع صراخ الحاضرين .. بالرغم من أن الحضور ليلة البارحة (( يفشل )) .. فريق متصدر الدوري .. وعلى مشارف النهائي الآسيوي بحول الله .. وهذا الحضور !!! تقديري للجميع .. : :

اخي عبدالعزيز

بالنسبه لمناقشة المدرب فأعتقد هذا مجرد كلام (فاضي) وتخدير لجمهور
اعطيني مدرب واحد محترم ويحترم احترافه ويقبل يدخل بعمله؟
مجرد مدرب واحد بالعالم مش بالدوري السعودي اذا عندك اسم اعطيني هو ابحث عنه.

بالنسبه لزوري والاخرين فهذه استراتيجيه جداً رائعه من المدرب وفهمت ليش اعتمد عالحارس علي الحبسي بالدوري ولا اعتمده بآسيا.

الهلال يلعب على كل البطولات
في آسيا تلعب بكامل قوتك وتشكيلتك الرسميه مع وجود حارس جيد ما نقول عنه سيئ او ممتاز.

بالدوري يريح اغلب الاساسيين وينزل بالصف الثاني مع وجود كم عنصر مستمر مثلاً ادواردو وفي مباريات ثانيه راح تلاقي نواف اساسي وادواردو ممكن احتياط كراحه، عندك ضعف ببعض الخطوط لكن الاكيد واللي عمله دياز انه:عندك حارس قوي يعتمد عليه.

دياز اعتمد الموازنه ولا اهمل اي بطوله بالعكس
نص الفريق هو الحارس وهذا اللي عمله بالدوري السعودي مع الحبسي.

وفي اسيا داخل بقوته كلها ومركز عليها...

عشان كذا في تصريحه وقت العصبيه ذكر (حكايه الاستمرار او الرفض متعلقه ببطوله اسيا)


وجود مختار او عدمه : ما اظن الهلال فريق صغير يعتمد على لاعب!
لا هو الاتحاد ويعتمد على فهد المولد ولا هو الاهلي ويعتمد على السومه!

حكايه ان الجمهور يشن هجوم على عمل مدرب متصدر ومتاهل لمشارف النهائي اتوقع انها سذاجه بحته.

حكايه تربط لي بطوله باسم او بوجود لاعب من عدمه كمان هي سذاجه.

الكوره 11 لاعب وجود مختار او عدمه ما تفرق
من عرفنا الهلال قوته كانت بالوسط دوماً.

وارجع لمباريات العام اللي فات، كان دياز يفوز مع الهلال وبدون وجود مهاجم صريح او متحرك في بعض المباريات.