نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - @@@@ ســــــــــاند وأنــــــــــــت ســـــــــــاكت @@@

توتو الشمري · #4 30/08/2017, 10:43 AM

إقتباس

الرسالة الأصلية كتبت بواسطة عتيبي مطنوخ


	يا هلابك اخوي توتو خلنا في نقطة الهلال يعمل و باقي الاندية تعمل ايضا لما يكون عملك دون الطموح او عملك بالنهاية نتيجته الفشل لازم يكون فيه اسباب يعني عقد ليو تقريبا نفس قيمة نيفيز و شتان بين الاثنين و الاخير ماتياس بقيمة عقدة كنا نقدر نجيب لاعب يصنع الفارق لما يكون عملك بدون اي استراتيجية ف الفشل مصيرة او بتضرب معاك و تنجح ماقد شفت اي هلال كان يطالب بلاعب عالمي او قيمته عالية جدا مثل الفرق الصينية الهلال محتاج اعادة ترتيب الامور و تغيير بعض القناعات محترفين يجون و يروحون مالعب مبارات على بعضها اتكلم عن المحترفين المحليين مثل الرويلي الهلال تعاقد معاه و دفع فيه مبلغ كبير و بالنهاية لما يلعب تشوفه بغير مركزة بغير مركزة !! و الهلال تعاقد معاه بنائا على المستويات اللي قدمها و تلعبه بغير مركزة و بعدها بيييييع الهلال لو يغير بعض القناعات و تلتغي الواسطة ماشفنا اشباه اللاعبين ضامنين مراكزهم و اساسيين حاليا كادش كنو البليهي ماراح يعطون ربع فرصة و نسى ان الانسجام ما يجي الا في المباريات الرسمية جميع دوريات العالم اي لاعب جديد تشوف المدرب يشركة من اول مبارات بعد ثلاث اربع مباريات راح تشوفه اساسي روح المنافسة على الخانة مفقوودة مليسي الهلال تعاقد معاه ك محور هجومي و دفاعي لكن اغلب المباريات اشوفة وسط ايمن و اوقات كثيرة ك جنااح ايمن ======= انت افعل الاسباب و تعاقد مع لاعبين يقدمون الاضافة + المحليين الافضل هو اللي يلعب بعدها التوفيق بيد الله اهم شي اعمل صح و التوفيق بيد الله اما نفس اللت و العجن و اساسي كيف تبي اللاعب يلعب او حتى الاحتياط يبدع !

يا هلا بك اخوي عتيبي
شوف يا بعد راسي..
اختيار اللاعبين الاجانب و المحليين و الواسطه في الاشراك هذا منحنى اخر..
المساله جداً معقده..
حنا مشكلتنا نبي كل شي و كل شي نرسمه في بالنا يصير

انت لو انت مدرب..
بيكون فيه استراتيجيه و خطة عمل راح تمشي عليها..
(( بشرط لا تخبص عملك ))
الاجانب موضوعهم غير و مغاير جداً
قد يتكيف و قد لا تعجبه المعيشه و قد يبدع و قد و قد.. الخ
لذلك ليس كل لاعب ممتاز خارجياً بيبدع عندك محلياً و العكس ايضاً

لكن خلنا بالمحليين
الان عندك بداية الدوري اول مباراة و ثاني مباراة مهمه لابعد حد
هل تقدر تجازف و تشرك لاعب ما تضمن مستواه..!
خلنا ناخذ مثال لو اشركنا مختار بدال خربين بمباراة التعاون
هل نضمن النتيجه و ان يلعب مختار كما نتمنى..؟
هذي حسابات لدى اي مدرب لا يستطيع المجازفه فيها
ادرج اللاعب شوي شوي حتى لا يحترق ..
اضمن النتيجه بمباراة و اشركه هذي حسابات المدربين مجمعين عليها

الرويلي كلنا نعرف انه شارك و لم يقدم ما يشفع له
و سبق فتحت مواضيع عنه هنا يمكن انك قريتها
اغلبها تتكلم انه ممكن يبدع مع الفرق المتوسطه و لا يبدع من الانديه الكبيره

ناهيك عن ضعفه دفاعياً و سرعته بطيئه و دفاعياً ضعيف
فالهلال ليس بحاجته وهذا مكشوف لكل الجمهور..

فريق كالهلال ان لم يكن البديل اضافه و لا يمكن للجمهور ان يتحمل وجوده
امور كثيره تجري في اروقة الانديه نجهلها
مثلاً فيه نادي ينافسني على لاعب ممكن يقدم له اضافه
اشتري عقده و اعيره او ابيعه على نادي ثاني.. هذي واقعيه اخوي مطنوخ..

لو لعب مختار مثلاً و لم يقدم المامول ماذا ستفعل الجماهير وقتها

لكن اضمن النتيجه و اشركه هذا هو الصح
الان مختار بكل تاكيد سيكون بديل او مهاجم ثاني مع خربين
يستحيل ان يكون اساسي الا في اصابة مهاجمك الاساسي

فالمدربين لهم حسابات لا يستطيعون المجازفه بها
بالتالي هذا عملهم و لا يريدون الفشل او التأويل
مشكلتنا كجماهير دائماً تاخذنا العاطفه ونريد كل شي و هذا حق مشروع

و لكن بالجهه الاخرى لا يسمح لنا بالجلد و الاتهامات و تظليل الجمهور بامور بعيده
عن النادي و ادارته..
و لو كان الخيار لك انت كمدرب
هل ستلعب بكنو بدل سلمان اساسي
هل ستلعب بكادش بدل الشهراني اساسي
هل ستلعب بمختار بدل ادواردو او خربين
بالتأكيد لا..
ستلعب بهم بدلاء ممكن و منتصف الموسم اذا وصلوا لرتم عالي ممكن يكونون خيار اساسي و سيتضح لك بما سبق من المباريات هم احق بالمشاركه ام لا

الحافظ قبل الموسم الفائت جاءه من الشتم و النقد ما يكفي دوله
و مع الاعاره و التدرج كبديل لجحفلي ابدع الموسم الفائت
هذي هي حسابات المدربين
(( العب بالمضمون ))
لا للمجازفه بالبدايات
و بالتدرج و رفع الرتم لدى اللاعبين يصبحون البدلاء كالاساسيين

اما عن الاجانب فموضوعهم شي اخر لانهم على كل حال يلعبون بالمزاج غالباً و بالبيئه
بالتوفيق لزعيمنا بمباراة العين المقبله..
و شكراً لك على سعة صدرك..
تحياتي