إقتباس الرسالة الأصلية كتبت بواسطة al700t الشمراني هداف الدوري مع الهلال بعد برودوم فلا تخلينا نفتح السالفه كامله... ولا فيها لوي ذراع ولاشي اختار عرض من ثلاث عروض بعه بدل ماتتلبط وتدفع رواتب وهو متكي وبعدين وش اللي يسوى واللي مايسوي.. هذي عقود والهلال فك لاعبين بالمجان لانديه لو يموت الهلال ماعطوه لاعب من عندهم فلا تكبر الموضوع من لاشي

لا حبيبي الشمراني هداف من بعد برودوم مع سامي الجابر يوم خلاه على كيفه وخلفه ناس حريقه

حكايه الرواتب انت فاهمها غلط :

مخالصه يعني - الهلال يدفع جميع الرواتب كامله ويبيعونه.

اما يجلس بالانفرادي - بيخصمه من راتبه 50 % حسب الانظمه وقانون العقوبات

انا كأداري اوفر لي يجلس ناصر واخصم من مرتبه النص (50%) طالما هو يتغيب وتأخر ومسوي فيها انه اكبر من الهلال مثل ما كان يسوي مع برودوم وفريق الشباب.

ولا اني اعطي رقبتي له ولاشكاله واوافق يروح وادفع كااامل مرتباته ولسه انتظر الشباب يدفع المال على دفعتين!

انتم اللي لا تكبروها وهي مو محتاجه شيء

لو ناصر يقدر نفسه والاحتراف كان انضبط وقدر الفريق اللي هو فيه

المسأله ماهي مسأله شويه عيال تجمعوا وشكلوا 11 نفر ويلا العبوا كوره

ماهي كوره (حواري)

يمكن يصلح ناصر في الحواري

اما في الهلال او اي نادي يحترم نفسه وكيانه وشعاره

فهذا الكلام اللي يسويه ناصر مايمشي

عموماً باين انك مقتنع بأن ناصر على صح والكل غلط بدايه من برودوم وادارة الشباب إلى المدرب دياز وادارات الهلال ما عدا فترة سامي الجابر.

فالنقاش ماراح يودي ولا يجيب

ودامك مقتنع بسالفه ناصر ينباع بأي عرض وبأي ثمن وبأي دفعات كانت

ومقتنع بأن الاداره اخطأت بوضع ناصر في الانفرادي وخصم على مرتباته

فما عندي اي استعداد اكمل النقاش هذا

بالنهايه هي قناعات وانت حر باللي تقتنع فيه

بس اتمنى محد يبخص عمل حق الاداره والشغل اللي تعمله.

استغفر الله العظيم واتوب اليه من كل ذنب.