إقتباس الرسالة الأصلية كتبت بواسطة ذوق الزعامه اعتقد بعد صدور موافقة الاتحاد السعودي بمشارك اللاعب الاجنبي ستتغير الاستراتيجيه الهلالي من الاهتمام في جلب مهاجم اجنبي الى حارس في ظل التعاقد مع خربين ومختار بجانب ياسر والمنيع واليامي. الحق يقال نحن بحاجه الى حارس مميز فهو يشكل 50% من قوة الفريق. حارس كعلي الحبسي خيار جدا ممتاز وخبره عاليه اتمنى اشوفه بالزعيم.

ذوق الزعامة ..
أخوي .. الحبسي عمره 35 و بيدخل الـ36 بعد كم شهر ..
كثير اسمع الناس تطالب فيه و للأمانة حارس جيّد .. خدمته ظروف الاحتراف .. لكن الاحتراف مايعني إنه أفضل حارس
مصر بالمحليين حققت أبطال أوروبا بوجود منتخبات الأساسي خليط بين لاعبي الأندية الأوروبية الكبيرة ..
علي كريمي احترف في باييرن .. بارك جي سونق في مانشستر .. هوندا لعب مع الميلان ..
ما أقول هذولا مايعرفون يلعبون .. بس قارنهم بلاعبين بالعالم يلعبون بدوريات أقل ما أحد عطاهم وجه ..
الهدف التسويقي هو اللي يدعم اللاعب الشرق آسيوي إنه يلعب بأندية معروفة .. $$$
القرب الجغرافي و عامل اللغة هو اللي يخلي دول المغرب العربي يحترفون في فرنسا و أسبانيا ..
الحالة المادية للاعب السعودي أو الإماراتي أو غيره تختلف عن غيره اللي لو تعطيه 200 ألف جاك يركض ..

بعد هذا كله .. يجي دور اللاعبين اللي أشرت لهم سابقاً إنه يثبتون أنفسهم .. لكن جودتهم راحت وإلا جت مقاربة جدا للاعب الخليجي أو العربي ..

خلني أثبت لك ..
الحبسي لعب خارجياً 15 سنة ..
بمجموع 335 مباراة في كل الدول اللي احترف بها ( شامل جميع المسابقات المحلية للدول دوري وكاس وغيره ) ..
يعني بمعدّل 22 مباراة للموسم الواحد .. و بغض النظر عن قوة الدوري اللي يلعب به و غيره ..
نتكلم عن حارس طول عمره احتياط و بس يتمرّن .. ولا تقول لي احتياط بفريق أوروبي أحسن من أساسي بغيره ..

المقصد .. حنا نبي حارس .. بس مهب الحبسي ..
نبي حارس أوروبي طول و مرونة و جيناته البدنية تفرق عن منطقتنا هههه ..
يارجل يتدربون حراسة من يوم عمره 5 سنوات ..

الحبسي قبل يدخل الكورة كان بالدفاع المدني .. أكلمك جد ..
والطول ماشاء الله مايحتاج و هذا اللي خلاه يحول للكورة ..

الأوروبي أزين و أرخص من الحبسي اللي ماراح يجيك إلا و هو متشبع كورة و يحس إنه أعلى كعب منك لأنه احترف بأوروبا و أنت لأ ..
جب لك روسي و الا من دول شرق أوروبا بشكل عام كد و مد .. بقرش و يالله من فضلك من أفضل الحراس عالمياً