اللي حضروا من الفقر مايتجاوزون اربعين واحد ومعهم بزارين

وحشرناهم في الممتازه حقتهم تحتنا

لكن اللي استنكرته عليهم اولا وين كرامتهم ليش جاي تحضر والهلال بيتوج على حسابك وانت كوشته

ثانيا الفقراوية اللي جايبين بزارينهم معهم وش يحسون فيه؟ بيورونهم من صغرهم انهم تورطوا بفريق زلابه مايسوى شي؟

اغلبهم بعد الهدف الثالث طلعوا

الحزيم دورناه عجزنا نلقاه لأني انا وواحد من الشباب كنا نبيه يبارك لنا ويورينا مرجلته اللي يهايط فيها بتويتر لكن للأسف لم يكن موجود

واللي كان موجود ابو لحيه الاهبل حقهم واختفى يوم بدت المباراة

التتويج رائع

النتيجة رائعه

عمر خريبين عريس تلك الليلة

بس لاحد يلوم اهل الرياض لقلة الحضور يا كمية قرف وتعب واذلال شفناها ماتشجع للحضور

سحبوا منا الشالات وحتى مجلات champion

العذر انه داخلين بمدرج النصر

عموما اتمنى اتمنى يتحسن محيط استاد الملك فهد ويفتحون البوابات المقفلة ويسفلت حوالين الملعب بدال مانمشي على تراب لين ماهلكت صدورنا

الشبكة سواء جوال او نت حدث ولا حرج اسوأ شبكة بالتاريخ يمكن بالربع الخالي يشبك وباستاد الملك لا


عموما ليلة كانت رائعه وكانت اول ديربي احضره بعد مباراة 4/4 الشهيره في الملز


الف مليون مبروك