هذا الملكي

كلمات الشاعر : جهز المهلكي

أداء المنشد : د.فهد مطر

إهداء عضو شرف الهلال : أبو إبراهيم

https://www.youtube.com/watch?v=U6Lt6WxVrbk

من كم سنه وهلالنا ساطع على وجه القمر
وأحوال جمهور الهلال أفراح دايم حالها

نجلب على سطح القمر لؤلؤ من اعماق البحر
نبني بها منزال لاجيالٍ تحب اهلالها

هذي زعامه والزعامه من مكاسيب الظفر
وهلالنا كفوٍ لها دايم يطيّب فالها


فريقنا يلعب بتكتيك ومهارات وفكر
وابحترافٍ من ادارتنا بفكر ابطالها

اسنين مكسبنا ذهب ومع الذهب عز وفخر
والناس من حب الهلال اتورثه لعيالها

ما ننتمي لاخر سطر وهلالنا راعي سطر
منا اساطير الكره فالمملكه بافعالها

هلالنا روح الكره فالمملكه في هالعصر
ومن قبل هذا العصر طايلها مع من طالها

هذا الزعيم الملكي عشقٍ معي طول العمر
ايتوج وكل الفرق بمقابله يرثالها

ماهوب نقصٍ فالفرق فوزه على مر الدهر
لكن جداره منه يومن البطوله نالها


هذي حقيقه ثابته ماهي ترى وجهة نظر
واحوال جمهور الهلال افراح دايم حالها

جهز عوض المهلكي

.