الموضوع: اول موضوع بعد العودة(متابعة لمعرض السياحة الداخلية _جدة_صور)
مشاهدة مشاركة بصفحة مستقلة
  #1  
قديم 28/07/2005, 01:46 AM
المحب لزعيم اسيا المحب لزعيم اسيا غير متواجد حالياً
زعيــم مميــز
تاريخ التسجيل: 07/05/2004
مشاركات: 1,715
اول موضوع بعد العودة(متابعة لمعرض السياحة الداخلية _جدة_صور)
[align=center]بسم الله الرحمن الرحيم
في بداية كلامي احب اقول اني افتقدكم كثير كثير كثير كثير كثير .
افتقدت ((يمر من هنا_فيو_))وحتى الثقيلين او الرزينين بمعنى اصح. وافتقدت ابو سارة وتغيب الشمس بحلم يومي وابو وليد ولجميع الاعضاء فرد فرد ((تورطت وشلون بعدهم عددهم فوق السبعين الف ))
المهم قلت بأرجع وماراح ارجع الا بذبيحة من النوع الثقيل وقررت ان احمل جوالي ابو كمرة واصور وممكن تكون الصور غير واضحة ولكن ركزت على عدم اهتزاز الكمرة
انا دخلت وشفت حركات شات واثر يوزوري مغبر والمشكلة اني داري
المهم انا رحت لجدة في زيارة خاطفة<<<<<متأثر بنشرات الاخبار
المهم نتكلم عن موضوعنا الي منرز فوق وهو عن معرض السياحة الداخلية ونبدأ بشعار المعرض

الشعار مكتوب عليه رالف ولكن رالف وشو مدري يمكن شركة ممكن شئ يجذب الناس ولكن هو اسمه معرض السياحة الداخلية والترفيه والرياضة السعودية
قبل مااكمل في عرض الصور كنت اتمنى تواجد شركة اوسمة للدعاية والاعلان الوكيل الحصري لبطاقات نادي الهلال لانه سيكون الانطلاقة في المنطقة الغربية ولكن خيرها في غيرها.
طبعا بعد دخولي رحت لجناح نجران وصراحة نجران ام المصايف<<<<<<دخل السحب على رحلة الى نجران مع السكن في فندق خمس نجوم اعذروني
المهم في شغل عندهم وسحب على تذكرة سفر مع سكن في فندق خمس نجوم وايضا على شرائح سوا من اجل جذب الناس تحت شعار الحمضيات <<<<<<<< لحد يسألني وش الحمضيات لاني مدري



بعد كذا رحت الى البواخر الكبيرة وسألني البائع تبغى تشتري قلت انا من الرياض ممكن نحتاجه في السويدي في الانفاق في الشتاء وخذت لكم كم صورة وخصوصا لاهل السويدي




بعد كذا قلت لازم اتأكد وشلون يسوقونها وانها كويسة وزي ماتعرفوني مااحب احد يغشني <<<<هذا وانا مو شاري وشلون لو شريت المهم رحت وشفت مقعد السائق

وسألته عن السعر وياليت ماسأت ثم قلت له مافي شئ ارخص قال شوف القوارب قلت مو مشكلة هذي تأدي الغرض وخذت كم صورة


قالي سعرها كذا قلت الثنتين يعني التوم قال لا وحدة قلت اها بس اخاف تصيح الثانية قال خلهم عندي مبسوطين
المهم قالي عندي لك حل طيب قلت له وشو قال دبابات بحرية قلت مو مشكلة نشوفها وخذت كم صورة


وقال ماراح اسمع قراراك الا اذا شفت كامل الحلول قلت تفضل قال عندك ملابس الخوص وعلب الاكسجين وخذت كم صورة


قلت مالي الا اعرضها على اعضاء شبكة الزعيم يمكن يستفدون سواء في جدة او الشرقية او اي مكان.

قلت له طيب عندنا حفر في الشوارع وش الحل قال مالك الا دباب للبر قلت مو مشكلة فقال عندي شئ ممتاز وشئ مميز قلت ورنا

قلت هذي في شوارع نييورك والا شواطئ سدني مو الرياض قال طيب عندنا شئ للمدلعين قلت افا قال لا عفوا قصدي للمتطورين قلت وش تنتظر فقمت وخذت صور للدباب للمتطورين

قلت وش هذا اعقد من السيارة قال فيها راديو ومكيف وحافظةقلت ورني المكيف


قلت صادق للمتطورين
والسرعة قال شوف قلت خل اعضاء الشبكة يشوفون


المهم بعدها رحت شفت شئ يتحرك ويدور ويطلع نور <<<<<<ماعمره شاف ليزر


بعدها رحت لقسم اوربت الرياضية واخذت صورة واحدة للشتالي المحلل الرياضي


بعدها ذهبت لاشاهد اول تلفزيون سعودي يتميز بعدم وجود اشعاعات خطيرة وهذه الصور


وهذه صورة السيارة وبعض جوائزفريق الحلم السعودي للراليات















وفي النهاية اتمنى اكون وفقت في تقديم مادة دسمة وجيدة وتكون خير عودة لي.
ملاحظة:اي صورة لم تظهر فعليك ان تضغط على الزر الايمن ثم اضهار الصورة[/align]
اضافة رد مع اقتباس