ممتاز، موضوع مرتب ومنسق وجميل وباين الحرقه فيك لدرجه ابدعت في اختيار الالوان والكلمات بعنايه فائقه احيك عليها.

طيب المطلوب من الموضوع؟
نغير الرئيس؟
واللاعبين؟
والمدرب؟
والجهاز الطبي؟
والجهاز التقني؟
ومدرب الحراس؟
ومدرب اللياقه؟

طيب اذا عملنا كل هذا مثل ما حبيت وكتبت بموضوعك.
حنجيب الدوري؟
حناخذ اسيا؟
راح نحطم جميع الفرق وناخذ كل الالقاب؟
راح نوصل لكأس العالم ونهزم ريال مدريد وبرشلونه وغيرهم وناخذ البطوله ولقب الهداف وافضل صانع لعب؟


فهمني ايش تبغى توصل من موضوعك؟



موهبه انشائيه وحاب تبينها على حساب الهلال وجماهيره؟
خليها بعيد عننا واكتبها في منتدى الانشاء ولا بدفترك..

تدري...
عالانشاء اعطيك 10 / 10

عالواقع اعطيك 2/10

لان بكل صراحه موضوعك مجرد انشاء
وكلام فاضي وتافه وماله اي فائده تذكر على الجمهور الواعي المنطقي وعلى استقرار الهلال

واذا هدفكم تثيروا استقرار الهلال فهذه صارت معروفه ومواضيعكم ما تطلع الا وقت خسر فيه الهلال.

لانه لو كان همك مصلحة الهلال وهمك استقرار الهلال وهمك وعي جمهور الهلال

كان هالموضوع اللي تطالب فيه بتقفيل النادي مؤقتاً حتى يجي رئيس ولاعبين ومدربين واجهزه جديده

ما تكتبه واذا كنت تبغى تكتب مضطر تكتب، كان المفروض تكتب الصحيح وفين مكامن الخطاء


اما تكتب لي موضوع انشائي تهاجم فيه كل الموجودين...

فهذه بربسه وكلام فاضي وموضوع تافه تافه تافه.