كل ما اخشاه على الهلال ان يموت بسبب الثقه الكذابه

مجموعه تغريدات وصلتني امس نقلا عن مدريب الهلال خلتني اعيش جو ان الهلال بيفوز بخمسه مع الرحمه وللاسف اليوم كان هلال باهت بلا هويه ...

انا احمل اداري الفريق ومسئولين النادي كامل المسئوليه لاي نتيجه او لعب سلبي للفريق وانهم يعتبرون المضلل الحقيقي للمدرب وسبب لاي خساره لاسمح الله والسبب بسيط اذا جى الهلال بيلعب مع فريق على سبيل المثال الرايد خلو المدرب يتابع للرائد مباراه والا مباريتين وقالو له ترتيبه بالدوري وبناء عليه المدرب يحط تصوراته وخطته واللي يثبت الزمن ان الجميع يعاني منها .

يا اخوان مهم جدا أي فريق بيلعب معه الهلال مهما كان مستواه او ترتيبه في الدوري خلو المدرب يشوف له مبارتين حديثه للتعرف على مستوى كل لاعب والاهم انكم تعرضون للمدرب اخر مبارتين او ثلاث لعبها الفريق نفسه وامام الهلال وبلغوه عن وش كان ترتيبه بالدوري وقت كل مباراه لازم يفهم المدرب ان الهلال جميع مبارياته تعتبر نهائيه وان جميع الفرق تستميت امام الهلال للحصول على أي نتيجه وان حتى تعادلها مع الهلال يعتبر مكسب حقيقي لهم خلو المدري يشوف كيف لعب الانديه بالدوري وكيف لعبهم مع الهلال والله وبحول الله وقوته المام ومعرفه المدرب بالشي هذا بيفرق كثير وبيخلي استعداده غير ..

ارجوكم خذو كلامي محمل الجد وجربو كم مباراه وشوفو الفرق

مافي لوم لاي لاعب لان التخبطات مسئول عنها المدرب لعدم معرفه المستوى الحقيقي لفريق الرائد ويلام في ذلك ادارة النادي ومدير الفريق اللي ماعطوه الصوره كامله