|
مواصفات المدرب الجديد والتمارين الصباحية !
السـلام علـيكم وررحة الله وبـركاته
مـبروك لنا إقالة المدرب ماتوساس اقصد السباك ماتوساس
وعقبال اقالة المفرج او ينقل مع اخوه في الاولمبي منها مانقطع رزقه ومنها ينتبه لمستوى اخوه في الفريق الاولمبي
سؤال مين المتسبب في اعطاء هذا المغمور في بلاده نادي بحجم الهلال ؟؟
الجواب:- اللي قال في اكشن يادوري انا متكفل بالمدرب الجديد طبعا عرفتوه لكن خلينا نعمم ونقول الادارة لكن نبي نعاتبهم في نقطة . ونطبلهم في نقطة مع اني ضد التطبيل لكن حنا في بداية موسم
نعاتبهم في اختيارهم لهذا المدرب وضياع فترة التحضير وضياع الانسجام من السهل تقيل مدرب في بداية موسم
لكن من البديل هل السوق الان فيه كفآت ولا طارت الطيور بارزاقها من فترة الانتقالات الصيفية
والمدرب الجديد يحتاج فترة تأقلم ويعرف الاعبين و ويضع شروطه ويضع تكتيك جديد ولازم وقت على بال مايتقنونه الاعبين يعني الهلال في مرحله خطره الله يسامح من وضعه فيها
نجي للتطبيل,. اولا يحسب للادارة اقالة المدرب وتصحيح الاخطاء في وقت مبكر وتفادي غلطة الموسم الماضي والفريق يعاني مع دونيس من نهاية الجولة الاولى
نجي لمواصفات المدرب الجديد
1- لابد يكون المدرب له خبره في الدوري او في المنطقة لان انته في بداية موسم وعندك بطولة اسيوية واستحقاقات محلية صعب تجيب مدرب جديد يتعرف على الاعبين وعلى عقلياتهم ويتعرف على الخصوم وانت الدوري شغال
2- يكون مدرب هجومي لان صعب تجيب مدرب دفاعي وانت دفاعك عناصريا ضعيف
3- انا ارشح المدرب البرازيلي أنجوس او كارينهو بعد اقالتة من المنتخب القطري
--
نجي لطلب بسيط او اقتراح كان يطبق في السابق والغي وبعدها الفريق في انحدار
اللي هي التمارين الصباحية والمسائية
بعد انتشار صور ومقاطع للاعبينا اخر الليل طبعا تسال كيف لاعب محترف سهران للساعه 1 و2
الجواب لان ماعنده شيء الصبح يرقد طول النهار ولا خفت الشمس العصر راح يتدرب شوي ويرجع يكمل السهره
طبعا لو الاعب عنده تمرين يبدا الساعه 6 صباحا وينتهي الساعه 9 صباحا وأي دقيقة تاخير يخصم منه
ثم يروح بيته يريح ويرجع الساعه 4 مسائا الى 6 المغرب ونفس الشيء اي دقيقة تاخير يخصم من راتبه كان انضبطو
لو طبق هذا النظام اول شيء راح تزيد من لياقة الاعب وتزيد من انضباطيته وتمنع عنه السهر كيف لاعب يسهر الى الساعه 3 وهو عنده تمرين الساعه 6 الصبح واي ثانية تاخير من راتبه خصم وشف كيف بينضبطون في الملعب وخارجه لان اللاعب عشقه الفلوس ان حس انها بتروح منه شد حيله وسار رجال وانضبط
واسف على الاطالة وشكراً لكم
اخر تعديل كان بواسطة » HILALE 4 Ever- في يوم » 23/09/2016 عند الساعة » 04:26 AM | 