لا اتفق معك بشأن كريري
كريري يلعب مع محور مفلت
ويغطي اخطاء الكوري وديقاو
وش تبيه يسوي لاعب
يغطي ثلاثة لاعبين انت مقتنع بالفرج
لا تخليص كورة ولا تمرير صح
ينكب أي محور يلعب معه
سعود كان ممتاز مع سامي
اخوي تصور أنت المحور والوسط
اللي يلعب معك الفرج سلومي العابد
وعزوزي ثلاثة ارباع كورهم تمرير خطأ
ولا ينفعونك دفاعيا صفر على الشامل
امس هوساوي كاشت بمنطقة الجزاء
الوحيد اللي يطارده كريري
حبيبي لو تجيب اطلق محور مع
الخوابير اللي بالوسط بيطلع
اخس من كريري
والسالم افضل من ياسر حاليا
غال مبارياته اللي لعب سجل فيها
لكن بما انك هلالي قديم مثلي
اسألك سؤال سعود الحماد
صار هداف الدوري
أو نافس عليه كأقل تقدير
وهو لاعب رأس فقط
تدري ليه عنده صناعة لعب الثنيان
لكن كم كورة صنعت للسالم
كورة وحدة قدام نجران وشبكها
في الباب
السالم لاعب صندوق مو لاعب مهاري
واغلب رؤوس الحربة وانا خوك كذا
اصنع للسالم كور بعدها احكم عليه
امس دواردو على فنياته ضايع
العلة الكبرى بدنفوس
طيب بما إنك هلالي قديم فكر معي شوي
اذكر لي مدربا لعب لاعب اشول محور بالهلال من ايام العمدة والمصيبيح دونيس رجع الشلهوب محور
مو مكتفي بالاشول الثاني الفرج
الاشول لاعب مهاري طرف ايسر ظهير
او هجوم ايسر أو صانع لعب او خلف المهاجمين
حبيبي يطلع الزوري ويرجع الشهراني يسار ينزل البريك يمين
ههههههه بالله وش الفايدة وبعدها رجع يسحب الفرج
وش المشكلة لو طلع ديقاو او الكوري ونزل الشلهوب صانع لعب وطلع العالة سالم ونزل عطيف وحرر لك الفرج والشلهوب والعابد والسالم
كل المحللين اتفقوا على سوء وتخبطات المدرب
اما البطولتين النعيمة في سنة من السنين جانا مدربا
اذكر اسمه فيريرا او حولها سماه النعيمة شريطي سيارات
بلاتشي مدرب النصر هاك
السنة يطقطق عليه يشوف وشي تغييرات الشريطي
ويلعب عليها بكل سهولة مثلا نزل الشريطي مدافع وطلع مهاجم يجي بلاتشي يطلع مدافع وينزل مهاجم
ومع ذلك حقق الشريطي بطولة او بطولتين
البطولات احيانا لا تعكس عمل المدرب
ممكن دمار ويفوز ورائع وينهزم
يبقى التوفيق بيد الله
لكن الكارثة زوال المستوى والروح