من باب الغيره على فريقي ومن محبتي وعشقي ووفائي لهذا الكيان راح اقول هالكلام وانا متأكده ماحد راح يقراه او يسمعنا لكن بفضفض
يازعماء اكبر قاره هل يعقل على مدار خمس سنوات جلب الهلال مايقارب سبع مدربين توماس دول هينسك كمبواريه زلاتكو ثم سامي وريجي ودونيس مع تغير الإداره ومدير الكره في النادي وماقدرنا نحقق الدوري هل المشكله في الإداره او المدرب صح ممكن تتحمل الإداره جزء والمدرب ولكن اشوف ان اللاعبين يتحملون الجزء الأكبر سالم نواف الفرج عبدالعزيز الدوسري لاعبين يملكون امكانيات عاليه جداً جداً وفي اهم المباريات يخذلونك اهم بطولتين اسيا والدوري على مدار خمس سنوات ماحققنا الدوري والتأهل مره وحده لنهائي اسيا ! الفتح لا يملك ربع ربع امكانيات الهلال وحقق الدوري وعلى حسابنا لأن عندهم لاعبين يقاتلون لأخر الثواني ليستر سيتي هل يملك ربع مايملكه اليونايتد او السيتي او ارسنال من امكانيات ؟ لا طبعاً ومع ذلك قاتلوا وجابوه لأنهم رجال داخل الملعب ، اليونان 2004 في بطولة امم اوروبا هل تمتلك قدرات انها تاخذ هالبطوله لا طبعاً بس عندهم رجال يقاتلون في الملعب ،وللأسف هالثقافه لا يمتلكونها المبزره اللي عندنا جيل السناب والتميلح والإستهتار داخل الملعب ، انغبن ياناس اذا شفت سياراتهم وهم والله مايستاهلون حمار يوديهم ويجيبهم جيل النعيمة وسامي والثنيان والأجيال السابقه ماكان يصرف عليهم كثر مايصرف على هالهمج اللي عندنا ومع ذلك جابو كل البطولات اللي اللحين نحلم فيها نعم نحلم فيها واقولها بكل حرقة قلب نحلم فيها كنا نحلم بأسيا واللحين صار الحلم دوري ماحنا قادرين نجيب الدوري (الحقيقه المره) ،والله ماانقهرت على البطوله كثر ماانقهرت على هيبة الهلال اللي كل مالها وتتلاشى سنه بعد سنه اوضع الفرق في الدوري خذته على حسابنا وكله بسبة الإستهتار من اشباه اللاعبين ضياع فرص ورى فرص نقاط تضيع واخرتها التمرين مغلق عشان مايسمعون كلمة تجرحهم اشباه الرجال اللي يخذلون في اصعب اللحظات واسهلها هل من رجل يغار على هيبة الهلال ويعطيهم كلام يهزهم هز الهلال هو من سواكم جماهيره هم اللي صنعوكم وهذي اخرتها متى مااشتهينا نلعب لعبنا بمزاجنا غير كذا الإنتقاد مايطولهم شي منه عارفين اننا نلقي اللوم على الإداره والمدرب لا ياكلاب ثلاث ارباع مشكلة ضياع الدوري منكم ومن استهتاركم وضياع الفرص اللي مايضيعها لاعب مبتدىء ياسر الشهراني هو من يستحق الإحترام فقط اما الباقي على هلالنا السلام وحسبي الله عليهم حسبي الله عليهم حسبي الله عليهم كثر مااحرقوا قلوبنا