إقتباس الرسالة الأصلية كتبت بواسطة ابومشاري الهلالي اولا الهلال مثله مثل اي فريق يفوز ويخسر ثانيا اللي بيجي يقول مدرب ولاعبين وووووو ثم ينسى مجهود موسم كامل ويركز على السلبيات لا يتعب نفسه ويرد لاني ابقترح عليه يدور فريق غير الهلال ويشجعه ويشوف الفرق بين الهلال وغيره الاهلي لعب بتركيز على هالبطوله وضحى بالموسم كامل والهلال لعب بجد في كل البطولات ولايزال يقاتل على بطولتين..... البكايين والسلبيين يشوفون الهلال اسوأ شي بالعالم والواقعيين يقولون هارد لك والاسبوع القادم لدينا بطوله اخرى ونطلب التوفيق من الله الهلالي الحقيقي يكون مع الهلال الان اكثر من اي وقت مضى....ودمتم

صح يفوز ويخسر لكن
1- فوزه صريح وخسارته بشرف وبقوه واحيانا بأخطاء الحكام.

اللي نشوفه تغير مراكز اللاعبين وبغير اماكنهم
اللي نشوفه سلسله خسائر ما انتهت
اللي نشوفه عبث بطريقه اللعب
اللي نشوفه فريق محطم بسبب المدرب بتغير مراكزهم ويظهروا مظهر الضعف ويسبب ضغط عليهم
اللي نشوفه مركز طبي لا يعالج لاعبيه وهذا السبب يقولك المدرب ( تدوير لاعبين ) لتغطيه فشل المركز الطبي.
اللي نشوفه فريق فيه كل مقومات اللعب الهجومي ويحطهم دفاع حتى نواف العابد معروف بلعبه الهجومي رجعه دفاع.
اللي نشوفه مدرب حراس ما اظن انه يدرب حارس عماره.
اللي نشوفه مدرب يبعد مهاجم
ويدخل مباراه مصيريه بمهاجم مصاب اولا وسيئ ثانيا يدور حول نفسه ولا يعرف وين ربي حاطه إلى ان يخرج برا الملعب ويسمع صافره الحكم ويعرررف وقتها انه خرج هو والكوره بالخارج.
اللي نشوفه، مدرب عنده مدافع صخره وسريع ويركنه طول الموسم والأَمَرْ انه لاعب محترف وفيه كل مقومات المدافع وبشهاده كل النقاد والفرق.

2- الاداره الاحترافه ما تدخل بعمل المدرب، هذا كلام صحيح لو كان عندك مدرب تثق فيه وبقراراته ويعطيك نتائج.
اللي نشوفه اداره تاركه كل القرارات مهما كانت نتائجها ومهما كانت تأثيرها وتظل ساكته بدون تدخل وكأن الفريق ما يمثل كيان الهلال.

3- تبغى نشجع في البطولات القادمه..
من حقك شجع مثل ماتريد
لكن تشجيعي يمثل موافقتي على كل هذا العبث والضياع...
اتمنى الفوز لان قلبي هلالي، لكن بالعقل والمنطق يقول بتخسر البطولتين القادمه أيضاً.
لاسباب : اولها ضيق الوقت لتعديل ما يمكن تعديله
واخرها
بتخطيط مدرب الغفله دونيس..

سؤالي، فين حسنات دونيس طول الموسم طالما ركزت على الايجابيات ورجائا لا تذكر لي بطولتين مع فريق في المركز الثامن وبهدف الجحفله بدون تخطيط حصل والاخرى هدف لاعب فقط اما بطوله ولي العهد فالفضل فيها للاعبين ولمهاجم حقيقي بالمقدمه يدعى ناصر.