بعيد عن أحقية الأهلي
الأهلي ماسوى شيء غير انه سدد ثلاث كور في المرمى الفاضي طوال المباراة ..
الهلال قد مباراة في الشوط الأول فيها روح و إصرار .. ذبحهم المزهرية خالد شراحيلي بهدف يردّه حارس الناشئين ..
صحيح الكورة من السومة سم .. لكنه ماكانت بزاوية .. واللاعب واضح انه بيسدد ماجت مباغته .. وبين شراحيلي و الكورة نص متر
هدف قتل الهلال نفسياً ..
شراحيلي ذبحن ذبح هالموسم .. والله من أكثر من مباراة أرجع للمنتدى و أكتب عنه و أطلع بس أفرّغ القهر ..
من الشوط الأول كنت اتكلم مع واحد يناظر معي المباراة قلت له لاعبين الاهلي عندهم تعليمات بالتسديد لأن شراحيلي ماعندك أحد
وكل الشوط الأول والأهلي يحاول يسدد و الدفاع مستميت يصد الكور .. بداية الشوط الثاني انذبح الهلال نفسياً ..
والهدف الثاني شراحيلي بدال مايعترض الكورة برجله زي المسيليم و بردّة فعل جميلة منه .. حاول يمسك الكورة بيده !! الكورة تحتك
ماقد شفت حارس تريلة بطيء الاستيعاب صفر ردة فعل مثل شراحيلي .. وش فايدك يعني إذا ماترد الا الكورة اللي تنشات بك؟
أقدر أطق خشبة بنص المرمى وشوطين كاملة يمكن تصد كور أكثر منه .. ويوفّر راتب حارس محسوب علينا حارس ..

ارجعوا لكل المباريات .. الهلال يسيطر .. يدخل عليه هدف يرفع معنويات الخصم و يحبط اللاعبين ..
أبي هدف يصير صعب عشان أقول الحارس ماقصّر .. مهب هدف الكورة تحتك والا جنب راسك والا نص متر يمينك أو يسارك