نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - البدلاء خذلوا الهلال ! الزوري شرخ كبير بالدفاع وضيع علينا اسيا نسخة من نامي ! يجب تدعيم الفريق باحتياطي قوي لتداخل المسابقات .

الحضاري · #3 03/12/2015, 10:12 AM

إقتباس

الرسالة الأصلية كتبت بواسطة barhumi


	وليه مايكون الميدا الي لعب 90 دقيقه ومباراتين كامله هو السبب مع انه ضيع اهداف بالجمله ولا بس حرام على الزوري وحلال على غيره الزوري ماينلام منزله اخر 10 دقايق يادوب يدخل اجواء اللعب صحيح انه اخطأ ولكن الخطأ الرئيسي يتحمله الميدا بتضييعه للفرصه والخطأ الثاني من المدرب الي نزله وما كان له داعي ينزل الزوري البريك كان مبدع وداخل اجواء اللعب ومابقى الا عشر دقائق الي ضيعك بأسيا هجومك وخصوصا بمباراة الأياب نيفيز ماكأنه موجود وناصر ضيع فرصه محققه كان بأمكانه يلعب الكوره الي ارتدت له فوق الحارس ولكن تفاجأنا انه اعطاها الحارس بكل سهوله ماشفنا لعب الا لمن نزل الشلهوب وياسر وبمباراة الأهلي الذهاب والأياب الزوري ماقال لأدواردو ضيع البلنتي ولا قال للحكم لاتحسب بلنتي لألميدا وبمباراة الأياب ماقال لدونيس العب بنفس خطتك المكشوفه ولا قال للسديري لاتركز ببابك وكان احتياط ولمن نزل تغيرت الخطه وبأخر الدقايق ماقال لنواف سو فاول ماله داعي ولا قال لألميدا لاتغطي لاعبهم الكوري عشان مايشوت الكوره بالباب ولو فعلا كلامك ان الزوري سيئ مالعب اساسي بالمنتخب ولا بالنادي

يا الحبيب الميدا ع الأقل كان متحرك بالمباراة وفعل ماهو مطلوب منه كمهاجم احيانا تنقصه اللمسة الاخيرة وانا ذكرتها بموضوعي !! ولا تنسى الميدا سجل هدف .

الزوري ليست اول مباراة يكون أداءه الدفاعي كارثي ! بعدين لا تقول ما ينلام توه نازل ! بالعكس المفترض توه نازل يكون نشيط ! وش أستفيد اذا انزل مدافع خبرة اخر الدقائق تقول لِسَّه ما دخل اجواء اللعب ! و ليش بدلاء التعاون دخلوا اجواء اللعب معليش كلام غير منطقي !!
وليش برأيك اضطر دونيس انه يلعب البريك يسار ! دليل ع ضعف اداء الزوري . وشفنا هالشي واضح بعد لعب الزوري مكان البريك كان ممر سهل للتعاون !!

بالنسبة لآسيا أنا من سياق الكلام حبيت اذكر ان الزوري كان سلبي ع الفريق وهذا سبب ابعاده عن مباراة الاياب بالرياض لانه ضيع انفراديات بالجملة في استراليا ؟
اما مباراة الأهلي الإماراتي ارجع للاهداف السديري لا جديد محله ليس الهلال مع احترامي تسبب بالاهداف لكن ارجع وشاهد الزوري ماذا كان يفعل !! سرحان وكسر للتسلل !!
اقل الأمور كانت نتيجة 2-2 تأهلك للنهائي لكن ليش الزوري رايح يتقدم عن مكانه اخر الثواني قام يهاجم ومكانه ظهير ايسر وليته شتت الكرة لكن انقطعت منه وارتدت خطرة ع الفريق اضطر العابد لإعاقة اللاعب وجاء منها الهدف .
باختصار الزوري ليس هو نفسه الزوري عندما اكتشفه كوزمين 2008 ولعبه بالمنتخب ليس دليل

أتمنى ان الادارة تعرض الزوري و السديري على قائمة التنسيق او الانتقال فأدانهم ضعيف بالملعب ويتسببان بكوارث على الفريق