تعادل بطعم الخسارة بصراحه, الهلال ماقصر وصل نسبة الاستحواذ إلى 73 % الاهلي طوال المباراة لم يهدد مرمى الهلال الا بكرتين او ثلاث ووحدة جت هدف, وان شاء الله متفائل بالفوز في الإياب لان الهلال افضل بمراحل بشرط تسجيل الاهداف والبعد عن الرعونة خصوصا سالم سالم سالم.
* شراحيلي المفروض يوبّخ على ثقته الزائدة عن اللزوم بوفون زمانه.
* سالم اذا اصر المدرب على إشراكه فليتحمل نتيجة ذلك, شفنا فرصة في الشوط الثاني ماتضيع سطحها فوق سالم, وأيضا في الشوط الاول الكرة اللي انطلق فيها وسحبه مدافع الاهلي كان من المفترض يبعد عن الانانية ويمررها لادواردو اظن الفاضي.
* نواف العابد والشمراني بعد دخولهم تحرك الفريق ووصل للمرمى وضغط, وكذلك ماالوم ادواردوا على ضياع ضربة الجزاء كل اللاعبين يضيعون.
* سلمان الفرج كثرت احتجاجاته الغير مبرررة خلاص كمل اللعب وامشي الاعتراض ماراح ينفعك او يرجع لك الكرت, وفي النهاية اخذت كرت يمكن يحرمه من الاياب.
* اقولها وبكل صراحه الاهلي ماهو ذاك الفريق القوي مع اعترافي بأن تنظيمه الدفاعي ممتاز وهذي تحسب لكوزمين, وفي نظري لخويا افضل منه, والإياب بإذن الله متفائل بالفوز بس نبعد عن رعونة سالم