السلام عليكم ورحمة الله وبركاته
الهلال حاليا يعيش لحظات مهمه ويحتاج دعمنا له ومساندتنا له بشكل دائم
الهلال في مرحلة تصاعد ليعود للمستوى المعهود والذي كان يخيف خصومه قبل مواجهتهم
زي ما هو واضح من الموضوع ان الفتره الجايه فترة جمهور الهلال , ادري ان الجمهور لازم يكون مع النادي في كل الفترات
بس الفتره القادمه جداً مختلفه اللاعبين والاداره يستحقون مننا كجمهور هلالي مساندتهم ورفعهم لأعلى مكان يصلون له
وحنا ندري ان في نادي الهلال مافيه سقف للطموح ,, اوصل للي تقدر توصل له وزود .
الفتره القادمه يجب مننا كجمهور عاشق للكيان الهلالي :
1 - ما نلتفت لتفاهات الاعلام سواء كان هلالي او غير هلالي , لان فيه اعلام هلالي ما يستحق يكون تحت مسمى الهلال
2 - عدم الضغط على اللاعب المخطئ , حتى وان كان خطأه كبير , نعاتبه عتاب محب وأكبر مثال الزوري ؛ بعد ارضي يا زوري والان مستواه في تصاعد . << مثل ديقاو وتصرفه و الفرج والاخطاء الكارثيه امام لخويا
3 - المهم فالأهم ان نتذكر ان احنا بشر واللاعبين والاداره بشر غير معصومين من الخطأ .
4 - اتمنى من كل قلبي عدم الدخول في صراعات مع الجماهير الاخرى والانشغال بهلالنا ودعمه .
--
خاتمه : حلمت بالهلال يحقق السابعه , بأذن الله يتحقق الحلم وتخضع أسيا لزعيمها
