دونيس تعامل مع المباراة كما يجب ..
ضغط فريق الخويا بالشوط الثاني طبيعي جداً و حتى لو لعب الهلال بالشمراني و الميدا مع بعض سيستمر الضغط ..
فريق ماعنده شيء يخسره و متأخّر بنتيجة ثقيلة و الشوط الأول انتهى بتسجيل الخصم هدف .. ليه مايضغط عليك؟

مشكلة الهلال فقط و الكورة السعودية إن اللاعب السعودي إذا انضغط تجيه أم الركب .. يبدأ يشتت كور كأنهن تمريرات لفريق الخصم ..
وش دخل دونيس باللاعب اللي يقطع الكورة ويرجعها مرة ثانية للفريق الخصم ؟..
أو يسحّب في نص الملعب لين ينضغط من ثلاث لاعبين وتنقطع كورته؟
أو يشتت كورة كيفما اتفق لملعب الخصم و تبدأ هجمة جديدة ..

على العموم دونيس تغييراته واضح إنه ضامن المباراة وإن الخويا على أقل تقدير ماراح يسجل 4 أهداف ( لازم يفوز أربعة علشان يتعادل وخمسة علشان يتأهل ) ..

بالنسبة للزوري .. فاللاعب ( الديزلي ) اللي يالله يمشي في منطقة تحتاج لسرعة ماراح يفيدك خاصة في هالوقت .. لأن الكورة الآن تعتمد على الأطراف السريعين .. أي فريق كبير شف من أطرافه و تعرف وش تحتاج من أظهرة علشان توقفهم ..
الزوري كنتروله سيء .. عرضياته أسوأ .. يميزه اختراقته وتمركزه لكن خل الكورة تنقطع و صدقني يمديني أروح البقالة و أرجع و هو مارجع لمركزه ..
الزوري كبديل ممتاز جداً و يقوي الدكة هو ودرويش يصلحون بدلاء لأن مستواهم جيّد لكن مهب على الأساسي ..
البريك والشهراني لحد الآن خرافيين .. مع إن البريك جسمه مايساعده .. بس لاعب يلعب بعقلية عظيمة ..