|
لا تحكموا على البدايه ولكم بهلال سامي و ريجيكامب مثال
السلام عليكم ..
طبعاً اهنئ جميع الجماهير على المستويات اللي قاعد يقدمها الفريق في الـ 3 مباريات الماضية
اللي ( اتمنى ) انها تستمر على الاقل الى نهاية الدور الاول ونكون متصدرين الترتيب اذا كنا نبي الدوري
لكن العتب البسيط على بعض جماهير الهلال واعلامه.. اغلب الهلاليين صار يتوّج الهلال بطل للدوري ولآسيا من الان
حتى ان بعض الجماهير خلوا الهلال بطل لجميع بطولات هذا الموسم !
يا جماعه الهلال حتى الان لعب مباراة واحده فقط في كل بطوله ! مباراة السوبر ومباراة الدوري ومباراة آسيا فقط !
صحيح شفنا مستوى ممتاز لكن اللي قاعد اشوفه من اغلبية الهلاليين هو استباق لاحداث الموسم وبطولاته
اتمنى من الجميع فقط التفكير بالفريق حالياً لا يفكر بعييد انه بيحقق الدوري ومن هالكلام ويرفّع فيه كثير
ثم مع اي تعثر بالدوري او خسارة اسيا لاسمح الله تكون هناك صدمه عند الجماهير وتخليهم يتصيدون اقل الاخطاء
على الفريق عشان يقلبون عليه مع تأثير الاعلام الاصفر
ويصير زي ماصار الموسم الماضي واللي قبله .. هلال سامي بدا بداية قوية بالدوري وجمع نقاط وبعدها تعثر وخسر المنافسه ..
هلال ريجيكامب نفس الشي بدا بدايه قويه بالدوري ومع اول تعثر خسر المنافسه
بالمقابل نشوف بالجهه الثانيه نادي الاتحاد قاعد يفوز بجميع مبارياته وماشفنا الاعلام يرشحه لبطولة الدوري ولا يرفّع فيه ..
انا ما اقول لا تعطون الفريق حقه لا عطوه حقه وامدحوا المستوى لكن لا تستسهلون الدوري على اللاعبين وهو لسى مالعب ثاني مباراة له
اخر موسمين الهلال يبدأ بدايه قويه ثم يدحدر وهذا اللي انا متخوف منه.. اذا انهينا الدور الاول متصدرين هنا اقدر ارشح الهلال للدوري لكن الان الوقت مبكر جداً  | 