افتتاح متجر الكتروني سيوقف الاضرار اللي حاصل على نادي الهلال من تجار الانستقرام


والموضوع مافيه أسهل منه

واؤكد على اخي اللي ذكر ان المتجر صغير ويفشل

فعلا متجر صغير قلة بالمواقف لا توجد فيه بضاعة


تخيلوا ابي كوب الهلال لي سنتين اجيهم ولا فيه

غير التسليك بيجي بعد شهر بعد اسبوع بعد اسبوعين


سلموا المتجر لعقول تجارية هلالية ياخي سلموا موضوع الجانب التجاري لمحمد الحميداني مسك النادي بكبرة وابدع بتجاوز ازماته مو عاجز عن انعاش الهلال تجاريا عن طريق متجر الهلال

وفعلا ليه مافيه أكثر من فرع لمتجر الهلال بالرياض

الهلال قادر يكون أغنى نادي سعودي وخليجي بواسطة جماهيره فقط وعن طريق المتجر بس

فعلوا المتجر الالكتروني وستجدوا المبيعات اضعاف اضعاف ماتتخيلون يا ادارة الهلال

--------------


قبل ما انسى لو فعل المتجر الالكتروني راح تكون المبيعات حتى من خارج المملكة لا تنسوا ان شعبية الهلال جارفة في الخليج والوطن العربي وآسيا