إقتباس الرسالة الأصلية كتبت بواسطة MgnOnk773 ليه ماتجيب حسنات الرجل الرجال جاب افضل الاجانب اللي مرو بتاريخ الهلال ولي هامسون ونيفيز ورادووي ولي ينغ وجاب افضل الاعبين المحلين سعود كريري وناصر الشمراني وعبدالله عطيف وياسر الشهراني وجدد مع لاعبين كثيرين موب ذنب الرئيس اذا مدرب طلب لاعب وفشل واذكر جريتس طالب وليد الجيزاني وفيصل الجمعان بالاسم والاعبين فشلو معه وغير عقوود الرعايه موبايلي وباقي العقود وبالنسبه لانه يسكت عن حقه وانا اخووك الملعب هو اللي يجيب بطولات موب التصاريح والكلام اللي مايودي ولا يجيب وشووف نادي الفتح جاب الدووري ولا سمعنا لهم حس الرجل اجتهد وماقصر وبيض الله وجهه

اولاً مب هو الي جاب رادوي الي جابه كوزمين وكوزمين تعاقد معه محمد بن فيصل
ونيفيز وش نفعك فيه مغير هياط وتويتر وسنحقق الاسيويه ولا عندها الا الخراط
ولي هامسون بمبلغ كبير جا تعم ولعب في الجهه اليمنى وكان ممكن بمبلغ اقل يجيب افضل
سعود كريري تكفل باغلب مبلغه احمد بن سللطان والشهراني حسن الناقور
اما اذا بتحسب عبد الله عطيف هذا انجاز فهناك خلل كبير في مفهومك للاعب السوبر الي يعمل فارق والمفروض تجيبه وبالنسبه للعقود ما استفاد منها النادي بشي بل على العكس ديون نتيجه الصرف العشوائي
اما حكايه جيرتس طلب وليد الجيزاني بالاسم اسمحلي اقولك انك قديم يا عمي اصحى وش الي جيرتس طلبه بالاسم هم عرضو عليه وليد الجيزاني وكم لاعب منتهي وخيروه واختار وليد لان الادارة الهلاليه كانت في قمه الشح والبخل
اما حكايه الملعب الي يجيب بطولات انت مب قديم الا مغبر ومغيب عن الدنيا بالي فيها ياخي شف كم نهائي راح عليك والسبب الشغل من خارج الملعب لا تروح بعيد الحكم الاستكلندي وش سوا في اللقاء الاخير مهزله والسبب ان الحكام اجانب ورئيس لجنه الحكام يتجراون على الهلال لان الصوت الهلال مغيب عن المشهد الاعلامي للاسف