اولا هاردلك على الخساره لاترفع ولا تنزل لانها مباراه غير مؤثره
وثانيا نأسف على الاحداث وكثرت الكروت والنرفزه اللي داخل الملعب، يعني كان من المفروض الهلال هو اللي كان المفروض يكون اهدى في الملعب ويسير المباراه على كيفه، والنصر هو اللي المفروض يكون مشدود وكان يجب على الهلال الضغط من اول ويمارس المباراه والضغط البدني والنفسي على الفريق المنافس،

الكرت الاحمر للجحفلي غير مسار المباراه،

الكرت المستحق الاحمر هو اللي على كريري واشكر كريري على تقبله الكرت وهو مستحق، لايقاف هجمه محققه،

الكرت الاحمر اللي على سالم الدوسري، يا سالم الحكم اعطى النصراوي كرت اصفر ، تروح تنافخ على الحكم ليه، عيب عليك وين الاخلاق الرياضيه وبعدين حكم اجنبي ضيف عندك في بلدك، وين الاخلاق الاسلاميه،

النصر نجح في قطع خط الامداد بين الوسط والهجوم وهذا سر التفوق، والمهاجم الذكي في هالحاله كان الواجب انه يتراجع في الوسط لخلخلة التغطيه اللصيقه عليه، على الاقل يسحب الدفاع للامام شوي،


على العموم من وجهة نظري يحتاج الهلال التالي،
1- البحث عن مهاجم اجنبي محترف رأس حربه من الان،
2- تدعيم خط الهجموم بمهاجمين سعوديين، يوسف السالم انتهت صلاحيته للهلال، وناصر الشمراني حماسي ولكن المستوى متذبذب وبصرعه يتنرفز والمهاجم اللي يتنرفز ما ينجح،
3-الاستغناء عن كواك وساموراس، والابقاء على تيقاو الوحش فقط،
4- ابعاد الاعبين عن وسائل التواصل الاجتماعي والتصريحات اللي تعمل ضغط على انفسهم وسلوكهم وهم لا يعلمون، للتأكيد على هذا الكلام ارجعو للمختصين والنفسيين في هذا الشأن،
5- صناعة فريق بطل ماهو عيب اننا تعترف بالاخطاء ولاكن الاستمرار كارثه،

وفي الاخير الاعبين اسمائهم ادناه وهم شمعة الهلال اللتي لا تنطفئ وهم،
عبدالله السديري
خالد شراحيلي
تيقاو الوحش
سلمان الفرج
سالم الدوسري كان في القائمه ولاكن سلوكه الاخير مع الحكم مسح الذكر الطيب له،
تياقو ماكان بمستواه ولاكن صنع فرق في مباريات كثيره، ما نهضم جهده،
عبدالله الزوري
ياسر الشهراني،

والباقيين اتمنى يعيدون حساباتهم مع انفسهم،

وبالتوفيق للهلال في القادم، ولا ينسون ان كرة القدم لعب بفكر وعقل وجسم واخلاق، اي عنصر يسقط يسقط معه الفريق،

والسلام عليكم ورحمة الله وبركاته،