إقتباس الرسالة الأصلية كتبت بواسطة مهتم7 السلام عليكم وصباح الخير طبعا اعتذر عن قلة دخولي للمنتدى وبصراحه ادارة الشبكه والمشرفين هم السبب معليش " عتب اخ ومحب يتحملوني المنتدى واتفق مع اللي تركوه يقولون تغير صار فيه استفزاز لجمهور الهلال بكثرة المندسين " واللي يحاولون يستخفون بجمهور الهلال ونشر مواضيع غريبه " شحاذه " وشخص يبي يوهم الجمهور بالسحر والشعوذه، وشخص يقول جدته توفت وشخص يقول ادعو لعمي والا خالي مريض ! معقوله هذا منتدى اهم نادي في الشرق الاوسط ! هذا غير المواضيع القديمه اللي اول ماندخل نحصلها بوجيهنا لها سنوات تتكرر! ولم يتم التعامل معها وحذفها! ونعرف الهدف من استرجاعها واظهارها في الصفحه الاولى.. وهذا غير ان فيه اشخاص يكتب في اليوم كم موضوع والمشكله انفصام موضوع يمدح ، وموضع يسب! وين ايام كان الموضوع يشاهده ااقل شي عشره الاف ويرد عليه مية عضو خلاص ماعاد فيه والسبب " عدم التطوير وعدم تغيير التعليمات للمشرفين اللي بعضهم ماينشاف ابد.. معليش على الاطاله لكن هذا واقع مرير نعيشه في المنتدى الغالي ولازم من الانتقاد من اجل هلالنا نرجع لموضوعنا: الهلال والنصر والاستفزاز اللي يحصل للانديه السعوديه في ايران بصراحه رغم تعصبي للهلال الا ان اني تمنيت سلامة لاعبين النصر وعودتهم من هذه الدوله بخير وماحصل من الجمهور الايراني شي تعودنا عليه في الهلال من عشر سنوات وهو جديد على النصراوين اللي مع الاسف كانو يدعمون الانديه الايرانيه ضد الهلال وماكانو يعرفون اهمية الموضوع الا بعد ان جربوه ولله الحمد ادارة الهلال ولاعبينه لديهم الحكمه وحسن التعامل مع هذه المواقف ولم يحصل ان مد ايراني واحد يده على لاعب هلالي لكن لاعبين النصر اخذهم الحماس ولان قائدهم " راعي مشاكل" لم ينتبه انه في ورطه الا مع اول كف فسحب لاعبينه ومنهم الحارس عبدالله العنزي اللي وجد نفسه بين مجموعة لاعبين ايراني ويجرونه وهذا شي مؤسف ومسيي لسمعتنا الاعب النصراوي تعود على الدلال والعربجه في الدوري السعودي ويعتقد انه برى بيسوي نفس الشي لكن يجد " الجلد" وليست المره الاولى في زعبيل في الكويت في قطر في ايران! يعني لمتى وحنا نقول ياغريب كن اديب الموضوع فيه سمعت بلد والكوره مافيها جيشي وعسكري بالله في ايران وفي الاحداث السياسيه الحاصله ورايح تلبس جيشي ! يعني من اولها انت ادور مشاكل وليتك فزت ومن ناحية الحكم الصيني والنصراوين اللي يقولون ظلمهم هذا غير صحيح الحكم تعاطف كثير مع النصر وركلة جزاء بيروزي صحيحه100% ولم يطرد اقل شي لاعبين من النصر والدليل كلام المحللين التحكيمين في برنامج الحكم في قناة الكأس يعني حتى بالتحكيم ماانظلم النصر زي ماكانو الحكام يعملون ضد الهلال لك الله يازعيم عموما الموضوع كبير واتمنى من الاتحاد الاسيوي نقل الفرق الايرانيه لشرق اسيا ويريحونا منهم

الغالي مهتمممممممممممممممممممممممممم شخص العله ونا من زمان قلته انه فيه مشرفيين مندسيين وجاني تنبيه بدلا من اثبات العكس وتصحيح اخطائهم هذا اذا كانو منتمين للزعيم ويحبون مصلحة الكيان ماهو توزيع التنبيهات والانذارات والايقاف لناس غيورين ويهمهم مصلحة الهلال
والان باقي العلاج والعلاج بيدكم يامشرفيين اذا كنتوا محبين وغيورين على الكيان فابداو بانفسكم راجعوا أنفسكم واي واحد يراى انه ماههو كفو يعتذر والا يطير وبداله الف غيور
وبالثانيه ليس واحده ولا اثنتان بل كل بطوله يشارك به يضع بصمته الملوثه بالخزي والعار