مشكلة ساماراس إن مركزه الأصلي و اللي يلعب به هو ( جناح ) ..
يعني مهب مهاجم صندوق .. ولاهو خلف المدافعين ..
ومسألة إنه طويل مالها علاقة بأنه المفروض يستغل هالطول بالضربات الرأسية لأنه واضح ماله بضربات الراس غير هدفه الصدفة في أول مباراة ..
مشكلة ساماراس إنه لاعب بطيء جداً .. مهب مهاري ( عكس ماسمعنا عنه ) .. ناعم جداً مع أي احتكاك يترك الكورة ..
مشكلة ساماراس إني لو ألعّب أي لاعب من الأولمبي بداله راح يقدّم عشرة أضعاف مايقدمه ساماراس .. لا من ناحية المجهود المبذول ولا من ناحية الحيوية في التحرّك ولا من ناحية المساندة الدفاعية و الفاعلية الهجومية ..
مشكلة ساماراس إنه مايصلح له الدوري السعودي نهائياً .. لأن اللاعب السعودي لاعب سريع وبنفس الوقت مايهمه ينبرش و يحتك
ولو إن الإدارة والمدرب جابوا لاعب عليه العلم هجومياً كان ارتاحوا من المصيبة الحالية مع إنهم يدرون إن الشمراني بيوقّف ..
لاعب برازيلي أو لاعب أفريقي أو لاعب عربي على أقل تقدير .. هم الأنسب للهلال ..
اللاعب البرازيلي يجيك يبي يقدّم مستوى وبيثبت نفسه .. ونفس الحال ينطبق على اللاعب الأفريقي ..
أما اللاعب العربي فهو لاعب موهوب و لا يحتاج يتأقلم مع الأجواء .. بسرعة يندمج مع الفريق ..
أمثله بسيطة ..
رافينيا الشباب .. عمر السومة و عبدالشافي في الأهلي .. مهاجم التعاون .. مهاجم الرائد أمجد راضي .. وقائمة تطول ..
أما اللاعب الأوروبي بصراحة فهو مشكلة .. يجي عندك يلعب على الواقف و بتعالي ( باستثناء الأسطورة ويلهامسون ) ..
أو يرحل لأن الأجواء ما تعجبه .. و تكثر مشاكله .. مثل ماحصل مع رادوي ( كان بإمكانه يزلّب النصراويين و يقعد على قلوبهم )

الموسم القادم لازم يرحل ساماراس .. لأن مركزه ماتحتاجه .. عندك العابد و سالم و الكعبي كلهم يأدون نفس الأدوار ..
بقاء ديقاو و نيفيز ( رغم هبوط مستواه هالموسم ) شيء ضروري .. رحيل ساماراس و كواك ( كواك جيّد لكنه حرم الهلال خيارات هجومية ) ..
جلب مهاجم و لاعب وسط ( أتمنى الإداراة تبتعد عن أوروبا و شرق آسيا )