السلام عليكم يا زعماء

الحمدلله على خسارة امس, قدر الله وما شاء فعل لعلها خيرة حتى يتنبه المدرب لبعض النقاط الاساسية والمهمة

باختصار الكثيرين يرون ان اللعب بمهاجمين خاصة في دوري ابطال اسيا مهم جدا خاصة ان ناصر ما راح يلعب الا بدور الثمانية وانت تحتاج خطة تأهلك لهالدور

يوسف السالم الاحظه ما يبدع الا اذا كان معه مهاجم ثاني معه بالخط ,, يا ليت المدرب يحط في باله خطة 4-1-3-2 او 4-2-2-2 وهي الافضل

ملينا وحنا نصارخ على ريجي ان لعب دفاعي وانه امات الهجوم عندنا ,, يجينا هذا بعد ويكرر نفس القضية !
حتى لو تلعب خارج ارضك وين المشكلة لو هاجمت بالشوط الاول وحاولت تنهي المباراة بدري ! بالعكس انا اشوف احيانا الهجوم بارض الخصم اسهل من الهجوم بارضك لان ما عليك ضغوطات ممكن تصعب عليك التركيز بالهجمة.

يا ليت والله احد يوصل هالشي للمدرب الجديد ,, يا ناس ما نبي اخر الموسم نقعد نسب ونلعن هاليوناني لانه قاعد يسير على خطى ريجي الدفاعية الفاشلة !

للامانة تمنيت سيبيريا على الاقل يكمل مباراة امس بما انه انسجم مع الفريق الاول ولعيبة الاولمبي اصلا منسجمين معه من البداية ,, مو افضل من انك تطبب عليهم هالمدرب قبل المباراة المهمة بيومين !!
سيبيريا اول ما مسك تدريب الفريق الاول خسرنا قدام العروبة بعدها تعادلنا مع الاهلي بعدها فوز على لوكوموتيف ! يعني كان فيه تحسن تدريجي ممتاز معه.

ساماراس اللغز هنا ؟ هل اكلنا مقلبه وطلع لنا انه لاعب وسط ! او المدربين ما عرف وا يوظفونه صح ؟
يبدو لي انه لاعب مهاري وحق صناعة لعب وليس مهاجم صريح وهذا مطب اكلناه ,,
ارجو الاستغناء عن واحد من نيفيز او سامراس وافضل نيفيز لانه خلاااص ما عنده شي يقدمه وجلب مهااااااااااجم صريح في الانتقالات القادمة.

يا رب توفق الزعيم ,,
اراؤكم