بسم الله الرحمن الرحيم
يااخوان ياجماهير الزعيم يمكن انا من اكبرمن يكتب بالمنتدى سنا مشجع قديم
تكفون نبغى هدوء لاتشوشرون على الادره والجهاز الفني واللاعبين وابشروا بالخير
ترى كرة القدم فوز وخساره
انا متابع للفريق ومتقاعد من العمل ...كتاباتكم دائما انفعاليه الفريق يحتاج تشجيع يحتاج نقد بناء
في حال الخساره تصبون جام غضبكم على كل شئ في الهلال ...لماذا لانك ماانت مبسوط
في حال الفوز تكون رايق وتشوف كل شئ بالهلال حلو
المدرب دوبه مستلم الفريق ولا جاب باختياره ولا لاعب (الجود من الموجود) ونجوم الفريق غائبين لاسباب مختلفه
المطلوب منا الان المسانده في الملعب وفي المنتدى
لاتقسون على اعضاء الشرف فهم يشجعون ويدفعون ملايين
(الفتح حصل على بطولتين العام قبل الماضي والسبب مافيه تقطيع جلد بمنتدى ..هدوء يشجعون يدعمون وجابوا بطولتين )
(تدرون وش سبب ضياع البطولات من الهلال انه كل واحد يدخل بهالمنتدى ويسب اعضاء الشرف وكل واحد متعصب للاعب فلاني ...خلاص خلونا كجماهير نتوكل على الله ونترك للاداره والجهاز الفني واللاعبين واعضاء الشرف يفعلون كل شئ وبعد نهاية الموسم ننتقد ماهو لاخسرنا مباراه صار كل شئ بالنادي مايصلح )
