نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - #من_الأندلس : رحلتي إلى غرناطة و قصر الحمراء

الـمـشـاغـب · #7 05/03/2015, 01:43 AM

تدري وش أكثر شي يضحكني وفي نفس الوقت ينرفزني؟

لما الواحد يروح له ديرة (يتسلتح) (ويدشر) (ويصيع) (ويكحّل) فيها ..
ثم بعد ما يطيح اللي في راسه يجي يتفلسف على روسنا ويقول:
(رأيت مسلمين بلا إسلام) ههههههههههههههـ

وأنت موضوعك مهوب بعيدن منه يا صاح

رايح من مكان لمكان وجاينا تقول آه يا غرناطة يا آخر زفرة وشحرجة العربي..الخ

الآن عرفت ليش ما بعد تزوجت..

لو تزوجت بتصير زيي أنا والصخرة (ثور الله في برسيمه)

ما علينا يا صديقي ..
عيش حياتك وطخطخ قسم بالله إن لي سنة أبي أروح الإمارات وأم خالد محجرة لي

المهم .. إيوه وش تقول لي؟ غرناطة يا زفرة العربي؟ ههههههههه إيه إيه صح صدقتك

لقطة ختام:

من زمان كنت أطالب بهذا الانفتاح في المجلس العام وكنت أتحورب

آن لي الآن أن أنام مرتاح .. لقد هرمنا من أجل هذه اللحظة التاريخية