#


صباح الخير والروقان يااحباب قلبي يازعماء..

شفنا كيف كان استقبال جمهور الهلال لزعيم امس في الجوف استقبال جماهيري ازرق يسعد القلب وبصراحه لاتستغرب وتقول كيف وشلون!
هالشي مايحصل الا مع الهلال وجمهوره فقط

عششششششق ياعالم عشششششق

تو الهلال قبل ايام فقط خسر نهائي ومركزه في الدوري مايليق في زعيم اسيا..
ومع هذا
لايزال هذا الجمهور وفي وكريم ومتسامح "وهذا هو الهلالي المحب للكيان " يتذكر ان الهلال ياما اسعده والان يمر في ازمه واذا ماوقف مع كيان الهلال في هاالظروف الصعبه متى راح يقف معه!!
طبع الهلالي ماينكر ولايجحد من فرحهم طوال السنوات "


ومن يحاول "يكذب ويصدر الاشعات وينشر الفتن والمؤامرات الواطيه ضد الهلال فهذا مجرد سوس اصفر..


حذرنا كثير من السوس الاصفر اللي من حقارتهم يختفون خلف اسم هلالي وشعار الهلال ويقعد يشتت الجمهور الهلالي واللي يسمعه يعتقد ان الهلال خلاص انتهى... وللاسف بعض الجمهور الهلالي يصدقهم...هم مادرو ان الهلال بيبقى شامخ مدى الحياه غصه في حناجر اعدائه..


الاخبار تقول ان الهلال اقترب من توقيع عقد مع مدرب كويس الفرنسي هارفي رينارد مدرب اتوقع باذن لله ان ينجح مع الفريق بشرط اعطائه الصلاحيات في الشده مع بعض الاعبين غير المنضبطين" واعطائه الصلاحيات في الاستفاده من لاعبين الاولمبي الموهبين...
وعدم تدخل احد في عمله وفرض لاعبين عليه.. مثل حبيب القلب عزوزالدوسري ، والعابد


يعني اتركو المدرب يعمل اذا كنتم تبون مصلحة الهلال وابعدو الواسطات ولعب فلان وسامح فلان والا فلان لاتزعله!
الامور هذي لازم تنتهي وانتهت من كل العالم الا للاسف في الهلال.. والا ماكان شفنا العابد بهذا الشكل اللي للاسف مايليق بلاعب هلالي بلبس الاساور والمجوهرات ..وفي الملعب يخذلنا دايمآ..
الله يذكر ايام النعيمه بالخير والله اتمنى يعطى وظيفه في النادي تكون مراقب سلوكيات الاعبين وتوجيهم ...
هذا الرجل هو اللي ينفع مع العابد وغيره..


عموما الله يوفق الهلال اليوم ويرجع بنتيجه ممتازه وفقط نريد روح الهلال ويسعدون جمهور الهلال اللي اتوقع بيكون حضور مميز كالعاده من زعماء الجوف المخلصين..


لابد من فتح صفحه جديده ياجميع الهلالين انتم قوه ضاربه اذا اجتمعتو ولكن اجتماعكم لايسعد اعداء الهلال..
خلاص سامي وريجي ماضي وانتهى..

كلنا راح نكون على قلب واحد ومع المدرب الجديد والله ينفع به الهلال..