إقتباس الرسالة الأصلية كتبت بواسطة عقد البطولات كاااان مميز بس مازال؟؟ ودي بس اصدق بس ماني قادر؟؟ اذا كان المدرب هو السبب .. كما تقول.. خلني اسألك سؤال .. كم مدرب مر على الاهلي ؟؟ وكل مدرب كيف تعامل مع تيسير الجاسم؟ مدرب لعبه محور واخر لعبه صانع لعب. ومدرب خلاه وسط يمين وغيره لعبه وسط ايسر ..ومع ذلك تيسير الجاسم حسب موقع اخصائيات يتصدر اللاعبين في الدوري السعودي في صناعة الفرص بـ 35 فرصه. حسن الطير اللي ما عنده مهاجم ولا لاعبين بحجم سالم والعابد والفرج صنع 33 فرصه. بلاشي نروح لانديه ثانيه.. خلنا في الهلال وخلنا مع نفس المدرب سلمان الفرج كم مركز لعب فيه؟؟ تقريبا ماناقص الا يلعب راس حربه لعب بكل المراكز وشفناه نجم يقدم نفسه صح وين ما لعب. ماشاء الله. اسطوانة المدرب اللي ما عرف يوظف اللاعبين مررره ما تنهضم .. النجم يفرض نفسه.. المدرب في كل المباريات يخلي نيفيز بنفس المركز اللي متعوده .. انا ما شفت نيفيز يلعب جناح لا يمين ولا يسار دائما خلف المهاجم وهو المركز اللي يفضله طيب ويش المطلوب من المدرب ينزل الملعب مثلا ويقول لينيفيز العب الكور بين المدافعين لناصر والا اي لاعب. يا اخي صانع اللعب مهمته اختراق المدافعين بالتمرير واخراج المهاجم امام المرمى بتمريره .. شفت نيفيز سواها؟؟ لو سواها والمهاجمين ما تحركوا صح نقول نيفيز يلعب صح وما عنده الا كديش .. تماما زي ما الطير يصنع 33 فرصه ولا احد يستغلها لان ما عنده الا كديش .. هنا نقول الطير افضل من نيفيز مليووون مره. وبالارقام مش مجرد كلام.. يعني لو الطير هنده ناصر اجزم ان ناصر متصدر الهدافين برصيد صعب على الاخرين. انا ما اقول ان المدرب صح.. بالعكس اقر انه سباك لكن مش مع نيفيز .. لان المطلوب من نيفيز لم يتغير مع كل المدربين اللي مروا بالهلال من مجيئه الاول للهلال ايام قيريتس نفس الدور يلعبه نيفيز ما تغير .. اذا العله في اللاعب واؤيد كلامك المدرب زاد الطين بله.

أخى الغالى عقد البطولات وفقك الله --
إذا جاء لزعيم الملكي مدرب يعرف كيف يوظف اللاعبين صح وقتها ممكن تجد الرد لكن مدرب يريد الاستغناء عن مدافع شرس بحجم كواك وملعب الكابتن سعود كريرى قلب دفاع ومقيد تحركات اللاعبين حتى فاولات قرب خط 18 ماتلاحظ من راح الاسطورة سامي الجابر ماعاد شفنا ترتكب ضد لاعبين الزعيم الملكي وسببه تقييدهم وما اسرع نسيت اهداف الكابتن نفيز بالفاولات والركنيات لدرجة فى برنامج أكشن يادورى شبه برفالينو خلى فاولات تجى وتوزيع صح وراح تشوف نفيز --
ريجى دمر وراح يدمر وتذكر كلامي ومباراة حطين ممكن الهلال يفوز بركلات الترجيح إن ماخسر بالوقت الأضافى - تحياتي لك ياغالى