| -
هارد لك لليوفي
مباراة بعد التوقف + الاعتماد على بيرلو وبونوتشي
أنا مابي بيرلو يطلع ومعجبني جدا وجوده في التشكيلة الأساسية
الفكرة إن اليغري باعتماده على بيرلو يلبس ثوب غيره لا هو اللي بنى الفريق بفكره الخاص ولا الي استخدم قدرته الحرة في تقديم كل شيء للفريق
أما بونوتشي فأنا أتمنى إن اللاعب ماعاد يلعب ولا بديل اوغبونا أي لاعب افضل منه بكثير اللاعب قدم جزء من تاريخ اليوفي في خطة ما عاد تصلح له خصوصا في حكاية الاعتماد على بيرلو نحتاج مدافع ممتاز في الافتكاك أو جيد على الأقل هذا بودي قارد للمهاجمين هو وليشتاينر
صانع اللعب إن تعاقدت معه الادارة أول لاعب يكون على متطلبات اليغري خصوصا في تكتيك 4 - 3 - 1 - 2
الي تعتمد على صانع لعب أساسي موب مقدم لي فيدال وجالس تداور بينه وبين بيريرا يعني هذي أفكار اليغري
جيوفينكو أفضل في هالخانة من الاثنين وماروني لعب هنا وأبدع مباراة وحد
أشياء كثيرة ممكن تلاحظ إن أليغري يراعيها بتضرنا في النهاية
اليغري مايعرف يتدخل في التغييرات خصوصا بعد هياط بيرلو عليه الله يذكر ابوفيتوريا بالخير غرامة وعقوبة للاعب الي يتكلم عن التغييرات أو ينزعج منها
بيرلو في السوبر طلع واشغلنا وازعجنا وأنا ماودي يطلع وقتها ولكن بعد مانبيه يرفع راسه هذا تاريخ وفريق أكبر منه بلا شك
ليتهم يجيبون بيراردي ويفكونا من الحواق وشنايدر
شفت واحد يتكلم بتويتر عن قيمة الإدارة في التعاقدات خصوصا وقسمه ثلاث أقسام
شراء
تخلص أو البيع
تجديد
ويمدح ماروتا بحكاية التجديد .. !!!!
عزيزي الي مجدد للاعبين السوبر كونتي هذي اطفال اليوفي يعرفونها
وللحق أشوف إن البيع بسعر 50 مليون مقبول لأي لاعب في اليوفي الحالي باستثاء بوفون
خلونا نشوف مشية ماروتا بالسروال
الجميل في مباراة امس إن بوفون كان عليه يمين الله لايخلينا ماننهزم
الشوط الثاني كان اليغري نكرة .. تحس مانشيني جبار والسبب تسليم اليغري اللعب له
بخروج فيدال
في أي مباراة
قدام اي خصم
في أي وضع
وايا كانت النتيجة
فيدال مغيره مغيره
طيب أنت امس ما تراجعت كنت ضاغط والمرتدات كانت سم عليك
علمني وش كنت تبي من بيرلو
وش بيضيف لك بيريرا
ماتقدر تفهم
وفيدال فورمة عالية ويكافئه بالخروج
الرؤية مع اليغري ضبابية وحساسية تعامله مع بيرلو مأثرة عليه لكن حسمه للدوري بيعطيه دفعة معنوية وفرصة أكبر لتطبيق أفكاره
لو أحد مهتم بالأشياء الصغيرة الي كانت تعجبني في كونتي وغابنتني في اليغري
سيناريو هدف الانتر
ضربة مرمى لليوفي
طولية على راس بوغبا
يستقبلها مباشرة للانتر (للمرة الثانية في حدود 5 دقايق وكررها بعدها 3 مرات المجموع 5 مرات واليغري خاشع)
المحزن في الهدف إن الكورة كانت مع غوارين مباشرة من بوغبا وأخذ فرصته كاملة للأسست وبوغبا يتفرج عليه
الدفاع مرتب على أساس يساعد بوفون على بداية اللعب كلليني رايح للباك العمق مفتوح
بونوتشي يعني لو كان هالخطأ بس ماشي تقول الكورة مربكة لكنها دايم تتكرر منه يماشي المهاجم ويعطيه فرصة يتصرف ويشوت
تصرف بوغبا ماتلومه لأنه طفل وإلا المفروض تنبهه اللاعب كرر نفس الخطأ في كم كورة وشكلت خطورة
لاتستلم للعمق استلم برا
أو لا تستلم ابد خانت تشتيت لأن الانتر ضاغط على مفاتيح اللعب بمباركة من الدون اليغري الي يصر على منحهم الفرصة خصوصا بيرلو وكملها بخروج حامي بيرلو ومسانده فيدال
إلا على الطاري موراتا أنا عجزت افهم تعامل اليغري معه مع إني أفضل الأسد الباسكي بمراحل عليه لكن ماعليه عطنا موراتا
هو مهاجم صريح أو مساند أوجناح
هذا كله مبني على إن طريقة دمجه مع المجموعة صفر وتفاهمه مع تيفيز تحديدا قبيح
من نزل موراتا واللعب في نصف ملعب الانتر عشوائي سرعة على ايش تحتاجها إذا أنت ما قدرت تدمجه مع المجموعة
والخاصية موجودة في كومان بامتياز ولاعب جماعي أكثر وواثق أكثر بس اليغري ما اقتنع به بدون سبب مفهوم
هارد لك التعادل القبيح
وبالتوفيق لليوفي في مزبلة الجنوب الاسبوع الجاي هذي فاتورة السوبر لازم نردها مهما كانت الظروف
. | 