| -
هاردلك خسارة السوبر
لايمكن واحد يوفنتينو يقول ما تمنى اللقب
لكن خسارته في صالح اليغري
مانبي السوبر ولا الكاس المطلب الدوري فقط
الرجل ينفذ افكاره ببطئ وتقدر تقول جبن بيكلفنا كثير .. أنت رجل هجومي لا تسلم الملعب تقرفنا
بعد هدف اليوفي إلى أول هدف لنابولي المفروض 4 أهدف لنابولي الي مايعتبر من ضمن صفوة أوروبا هجوميا
أستغرب من الي يلوم كلليني دفاعيا الرجل ماقصر هدف نابولي الثاني أتمنى أي منصف يشوف تدخل بونوتشي ماعمري شفت مدافع في ايطاليا يتدخل بطريقته البدائية يعطي المهاجم ظهره !!!!
بونيرا لاعب ميلان افضل منه فيه هالجزئية
ومثله رانوكيا في الانتر
هذا هم الطليان يتدخل وهم يشوف تحرك المهاجم
بونوتشي المفروض أول ضحية لتغيير كونتي إنت تحتاج مدافع مايخطي أخطاء غبية وهذا من بداياته إلى اليوم وأخطاءه هي هي ماتغيرت لا تطور ولا تغير ولاعنده استعداد يعتدل
كليني واغبونا وكاسيراس مع انتظار وضع بارزالي بعد الاصابة وجب لك مدافع أو اثنين وريح روسنا من بونوتشي
البنلتيات لا يذكر فيها الا بوفون كان يستحق البطولة أكثر من تاريخ بينيتز موب بس أمس بس مامعه أحد
أكثر واحد خذلني تيفيز التسديدة الي شاتها برا المرمى يلام عليها اللاعب برأيي أكثر من الي يردها الحارس وكان توقيتها مقشر لهز ثقة منافسك
يالله موب أول بطولة مستحقة نخسرها بأخطاء مغفلين وحماقة مدرب
هارد لك
. | 