السلام عليكم ورحمة الله وبركاته

لا احب المقدمات

اخواني اخواتي مشجعي هذا النادي العريق اما بعد :

غريب مايمر به نادينا من ضعف مستوى وتهاون لاعبين وغياب اداره الفريق،، منذ سنين لم نشهد ذلك

امامكم شهر واحد .. وهو يناير 2015 ،، وهي فترة الانتقالات الشتويه ولازم يكون هو انطلاقة الزعيم اذا كان يريد ان ينافس جميع البطولات ..


كثير من يلومون المدرب ،، اذا راح المدرب حتى لو جبنا قوارديولا بيفشل مع الهلال مادام هؤلاء اللاعبين بالنادي !

الكوره توصل لمرمى الخصم ونضيعها مثلها في مباراة سيدني والاتحاد والنصر واخرها امس " هجر "

والسبب هم اللاعبين .. ويجب تنسيق او بيع بعض اللاعبين الذين يستلمون المبالغ الهائله وهم لايقدمون شي !

وهم :

1- الغنام
2- البيشي
3- يوسف السالم
4-عبدالعزيز الدوسري
5- ياسر القحطاني
6- المسلم


الغنام والبيشي من ثلاث سنين وهم من اصابه الى اصابه ،، لم ولن يفيدو الهلال !

يوسف السالم من مباراة يوم امس ايقنت انه ليس بيوسف السالم المعروف ،، لاعب فقد موهبته ولايستحق اللعب للهلال ويجب اعارته !

عبدالعزيز الدوسري من بعد عملية الركبه وهو يخاف الالتحام وقطع الكوره والجري ؟؟ !! ماذا نستفيد

اما بالنسبه لياسر " ربنا يقومه بالسلامه " قدم كل مالديه وحان الوقت ليعتزل وخصوصاً بعد اصابة الرباط الصليبي وكلنا نتوقع انه بيرجع ومابيقدم شي !

يحيى المسلم ،، معروف لاعب منكوب ولا يفيد الهلال بأي شي !!


نجي للمحترفين ،، يجب تسريح كل المحترفين ماعدا ديقاو !

بديلاً لكواك : مهاجم اسيوي وتعرفون ناصر الشمراني مابيلعب لا دور مجموعات باسيا ولا دور ال16 في حال التاهل وامامكم خيارين ،، الاول :

علي مبخوت



اللاعب الاماراتي وكلنا شفناه في خليجي 22 ووش سوا


الخيار الثاني :

لاعب نادي سيدني الاسترالي ومسجل الهدف الوحيد في الهلال بالنهائي ،، اللاعب " تومي يوريتش" (رقم 9 )



اللاعب رغم انه مصاب وخرج بالشوط الثاني وقدم اداء خرافي وسجل هدف


المهاجم الاسيوي مو مهم يكون اساسي بالهلال ،، يكون بديل الشمراني في حال الغياب او هبوط مستوى الشمراني !


2-بديلاً لنيفيز : صانع العاب حقيقي ويفضل يكون من امريكا الجنوبيه .. وللإداره حرية الاختيار

3-بديلاً لـبينتلي : جناح ايمن ويفضل يكون اوروبي ،، وهذا اللاعب بينافس سالم والعابد ،، في حال تهاون واحد منهم بيقعد بالدكه

انتهينا من المحترفين ،، وهم كالتالي :

1- علي مبخوت او تومي

2-صانع العاب لاتيني

3 - جناح اوروبي

4- ديقاو




اللاعبين المحليين ،، زي ماذكرنا اللي لازم يتنسقون ،، لازم نجلب لاعبين محليين

اولهم حسن معاذ ،، اللاعب يريد الهلال والفرصه الوحيده في الانتقالات الشتويه !!!

عمر هوساوي ،، محاولة التفاوض معه في الانتقالات الشتويه ،، لازم لاعب مدافع محلي دولي يلعب بجانب ديقاو!!

حسن معاذ يمين شهراني يسار ،، قلوب ديقاو وعمر ،، او مدافع محلي ،، وبديلاً لمعاذ اللاعب الاولمبي الموهبه " البريك " وبديلاً للشهراني ،، الزوري او البقعاوي !!! ودفاعات احتياط سلطان والحافظ !

الدفاع انتهى !! ..

خط المحور معنا مايكفي ومن هم اجدر ،، كريري والفرج هم الاساسيين ،، بدلاء لهم : عطيف والقرني والفضل


خط الوسط بيكون اساسيين نواف وصانع الالعاب والجناح الاوروبي ،،

الاحتياط ،، الدوسري الشلهوب الحمد مع تصعيد العمار ،، موهبه قادمه من الاولمبي

انتهينا من الوسط

،،

الهجوم ،، ناصر الشمراني واللاعب الاسيوي ويحيى الكعبي ،،

طبعاً يحيى الكعبي شفناه وش سوا بالاسيويه قدام الاهلي الاماراتي وكيف قاد هجوم الهلال !

انتهينا من اللاعبين !

الاداره :

اتمنى من عبدالرحمن بن مساعد ان يغير اداري الفريق " فهد المفرج " ،،

فهد مجتهد ومثابر لكن غير حازم !! ،، اللاعبين يحتاجون لآداري صاااارم ،، امثال صالح النعيمه وفيصل ابو ثنين


هذا مالدي فقط ،، كل هذا نقدر نسويه في شهر يناير بالانتقالات الشتويه

معنا كل المعدات اللازمه

1- المال الوفير
2-كبرياء النادي الذي يجعل اي لاعب يتمنى اللعب فيه
3-اداره واعيه

فـ يارب نستغل هالاشياء بإصلاح نادينا ،، ونعود لمنافسة البطولات

وفالكم البطلولات يارب

فـ امان الله ،، اخوكم ابراهيم باوزير