للأسف .. العنوان نصراوي بحت .. وفيه استفزاز لكل الهلاليين ..
وما أبي أسيء الظن فيك أخي الكريم .. لربما أنت هلالي أكثر من أي شخص آخر .. لكن العنوان أساساً أختراع نصراوي ..
وكان ردّاً على السنوات الطوال اللي كان فيه الهلالي يسخر من الأحزاب النصراوية ( الممدوحيين و الكحيلانيين ) ..
بالتالي ظهرت هذي الكلمة ( السامييون ) في منتدياتهم وأيضاً ( البندريون ) .. ومثل ماقلت لك ماودي أسيء الظن فيك ..

أي شخص هلالي يدرك أن تغيير سامي في ذاك الوقت بالذات هو أكبر خطأ .. حتى إنه أكبر من خطأ تعيينه بالأساس كمدرب ..
سامي وصل إلى رتم جميل جداً بعد الأخفاقات في بداية الموسم .. وأصبح الهلال معه في أواخر أيامه من أجمل ما يكون ..
لكن بعض الأمراء اللي ما أعجبهم تصريح سامي سارعوا بابعاده عن المنصب يوم اقترب الهلال معه للنهائي الآسيوي ..
خوفاً إن سامي يحقق الإنجاز و يكون كلامه هو الصحيح ..

الآن مع ريجي .. مستوى باهت .. مباريات كثيرة تنتهي بدون أهداف .. نفسيات اللاعبين 24 ساعة مضغوطة ..

ناصر اختفى بوجوده وحيد في الهجوم و التكتيك العقيم بإرسال الكور الطويلة له من الدفاع .. ( تكررت في كثير من المباريات )
وبالتالي استهلاك لياقته البدنية من أول شوط ..

نيفيز يلعب تائه .. بدون أي مهام واضحة .. وهذا كله من توظيف المدرب .. واللي اتوقع عطاه الحرية في وسط الملعب ..

سالم الدوسري صار أناني .. والكورة مايطلعها من رجله الا لاعبي الخصم .. وهذا دور المدرب .. اذا كان هذا مهب من تعليمات المدرب لازم المدرب يحطه على الدكة لين يتأدب .. وان كانت تعليمات المدرب فهذي المصيبة بعينه ..

مفاتيح اللعب في الهلال معطلة .. تحس فيه فراغ كبير بين الهجوم و الوسط ! .. أغلب الكور تطلع من الدفاع للهجوم علطول ..

فلا تلوم الناس اذا قالوا يازين أيام سامي .. لأن لو أي مدرب كان مكان سامي .. لتندم أي هلالي على أيامه .. ليس لأنه سامي .. بل لأن المدرب الحالي عقيم في خططه ..

-----------------------------------------------


بالنسبة للنصراويين وخروجهم من مظلة أبناء سعود و ماجد .. ..
النصراويين حققوا الدوري و الكأس السنة الماضية بصافرة الحكم والأعمى يدرك هذا ..
والا كيف بنفس اللاعبين اللي يلعبون على المركز الخامس و الجماهير ترفع الأحذية بوجه رئيسهم .. يحقق بطولتين
فساد كروي عندنا بالسعودية ..
والسنة هذي .. شف النصر كيف ماشي بـ( الوايرلس ) .. حتى إن الراهب صارت وظيفته ( يتسدّح ) في الملعب .. ويعتبر ورقة رابحة في حالة ان النصر مهزوم أو متعادل .. يلعب الراهب .. يشكّل ثنائي مع محمد ( الهواوي 4G ) .. وتبدأ خطة الوايرلس ..
النصر مارجع .. نفس الكديش .. نفس أسلوب القمطة أمام الفرق الكبير .. والمباريات تنتهي له بصافرة حكم ..

قدام الهلال .. ثلاث مباريات يسجل فيها النصر ضربة جزاء .. .. ثلاث مباريات تحتسب له ضربات جزاء قدام الهلال .. ثنتين منها غير صحيحة .. شراحيلي .. وبلنتي السهلاوي الأخير .. غير الخشونة النصراوية و تجاهل ضربات الجزاء الهلاليية ..

في مباراتين من أصل أربع مباريات .. يطرد لاعب هلالي ..
مباراة فاز الهلال فيها ( مع سامي ) وهو مطرود منه لاعب ( الفرج ) بالأربعة ..
المباراة الأخيرة طرد للزوري غير مستحق وبالأساس ماهو بلنتي وبالإعادة ست مرات .. ولكن النصر تأدب وقفل الدفاع بكل اللاعبين.

عن أي رجوع نصراوي تتحدث ؟ ..
والله لولا الحكام .. وعزة الله وجلاله ماياخذون ولا المركز الثالث ..